10/06/2021 685 جار خوێنراوەتەوە

به‌ریتانیا.. كۆڕێك بۆ مامۆستا عه‌لی باپیر ڕێكخرا


په‌یام

له‌چوارچێوه‌ی سه‌ردانه‌كه‌یدا بۆ وڵاتی به‌ریتانیاو له‌درێژه‌ی به‌ستنی كۆڕوكۆبوونه‌وه‌كانی مامۆستا عه‌لی باپیر سه‌رۆكی كۆمه‌ڵی دادگه‌ریی كوردستان له‌گه‌ڵ ره‌وه‌ندی كورد له‌ شاره‌كانی ئه‌م وڵاته‌، ئه‌مڕۆ پێنجشه‌ممه‌ 10/6/2021 له‌شاری (وڵڤەرهامتن) له‌مزگه‌وتی (ڕووناكیی) كۆڕێك بۆ مامۆستا عه‌لی باپیر ڕێكخرا .
له‌میانی وتاره‌كه‌یدا مامۆستا عه‌لی باپیر وێڕای ده‌ربڕینی خۆشحاڵیی به‌دیدارییان، تیشكی خسته‌ سه‌ر سێ بازنەی پەیوەندیی کە پێویستە مسوڵمانان كه‌ بەباشی ئاگاداری بن، ئەوانیش بریتی بوون لە پەیوەندیی لەگەڵ خوادا، پەیوەندی لەگەڵ خودی خۆتو خانەوادەت ،پاشان پەیوەندیی لەگەڵ کۆمەڵگاو دەورووبەر.
هه‌رله‌میانی وتاره‌كه‌یدا سه‌رۆكی كۆمه‌ڵی دادگه‌ریی باسی له‌ ئاداب‌و ڕه‌وشته‌ كۆمه‌ڵایه‌تییه‌كان كردو گوتی: بناغه‌ی په‌یوه‌ندیی له‌گه‌ڵ خوادا بریتییه‌ له‌ به‌ندایه‌تیی بۆ خودا، كه‌ دیاره‌ به‌ندایه‌تییش له‌سه‌ر بناغه‌ی ئیمان بنیات ده‌نرێ‌و، په‌یوه‌ندیی له‌گه‌ڵ خه‌ڵكیشدا، بناغه‌كه‌ی بریتیه‌ له‌ چاكه‌كاریی‌و خۆش ڕه‌فتاریی.
له‌ته‌وه‌رێكی دیكه‌ی وتاره‌كه‌یدا سه‌رۆكی كۆمه‌ل وتی: مسوڵمان پێویسته‌ قه‌ده‌غه‌كان نه‌شكێنێ‌و چاكه‌كاریی به‌رپا بكات‌و زیاتر مشووری جێبه‌جێكردنی ئه‌ركه‌كان بخوات، ئه‌گه‌ر ئه‌ركه‌كانتان به‌جوانی جێبه‌جێ بكه‌ن له‌قه‌ده‌غه‌كراوه‌كان پارێزراو ده‌بن.
مامۆستا عه‌لی باپیر درێژه‌ی به‌قسه‌كانیداو وتی: به‌رده‌وام بوون له‌ ئه‌نجامدانی گوناح‌و تاوان، دڵ داده‌پۆشێ‌و عه‌قڵ‌و دڵیش داده‌خات.
هاوكات سه‌رۆكی كۆمه‌ڵ گوتیشی: پێویسته‌ له‌گه‌ڵ هه‌مووكه‌س ڕه‌وشت به‌رزانه‌ مامه‌ڵه‌ بكه‌ین بێ جیاوازیی له‌پێناو نیشاندانی جوانییه‌كانی ئیسلام.
لەکۆتاییدا ئامادەبوانی کۆڕەکە خۆشحاڵبوون بەوتەکانی مامۆستا عه‌لی باپیرو هیواخوازبوون کە مامۆستا بۆ کوردانی تاراوگە بەردەوام لەپەیوەندییدابێ بۆ ئەوەی سوودی زیاتر لە وتەو زانست‌و زانیارییەکانی وەربگرن.

لە تۆڕە کۆمەڵایەتیەکان شەیری بکە

  • 5 رۆژ پێش ئێستا

    كۆمەڵ بۆ یەكێتی: خەڵك زۆر بێزارە و مەهێڵن دۆخەكە زیاتر خراپ بێت

  • پێش 3 هەفتە

    مامۆستا عەلی باپیر بەشداری لە کۆنفرانسی جیهانیی (یەکڕیزیی ئوممەتی هاوسەنگ) دەکات

  • پێش 4 هەفتە

    سەرۆكی كۆمەڵ هۆشداری لە فەوتانی دەستكەوتە مێژووییەكانی هەرێم دەدات

  • پێش 4 هەفتە

    سەرۆكی كۆمەڵی دادگەریی هۆشداریی لە بەرەوخراپترچوونی داهاتووی هەرێم دەدات

  • پێش 4 هەفتە

    مامۆستا عەلی باپیر: خۆمان فاكتەری سەرەكی بووین بۆ بێهێزكردنی هەرێم

  • پێش 4 هەفتە

    ڕاگه‌یه‌نراوی كۆمه‌ڵی دادگه‌ریی كوردستان له‌ دووه‌مین ساڵیادی هه‌ڵبژاردنی په‌رله‌مانی كوردستان

  • 17/10/2026

    كۆمەڵی دادگەری: بەغدا و هەرێم باری سەرشانی هاووڵاتییان قورستر دەكەن

  • 09/10/2026

    بۆ بەرەوپێشبردنی تواناكانیان، خولێكی پێگەیاندن بۆ كادیرانی كۆمەڵ كرایەوە

سەرەتا