10/06/2021
351 جار خوێنراوەتەوە
یانەیەکی پرێمەرلیگ هەوڵی جددی بۆ گواستنەوەی هاری کەین دەدات
پەیام سپۆڕت
یانەی چێڵسی لەندەنی
هەوڵی جددی بۆ گواستنەوەی هاری کەینی هێرشبەری یانەی تۆتێنهام دەدات و مەبەستیانە
بۆ وەرزی داهاتوو سوود لەو یاریزانە وەربگرن.
ڕۆژنامەی سکای
سپۆرتسی بەڕیتانی ئاشکرا دەکات، کارگێری چێڵسی پلانی زۆری باشی بۆ گواستنەوەی هاری
کەین داناوە و بە جددی هەوڵی بە دەستهێنانی تواناکانی هاری کەین دەدەن.
سەرچاوەکە ئەوەشی
ئاشکرا کردووە، بەرپرسانی بلوز سەرەتا دەیانەوێت بە تەنیا گفتوگۆ لەگەڵ هاری کەین
بکەن تا ئەوەی داواکارییە ماددییەکانی بزانن و سەبارەت بە تەواوی وردەکانی
گرێبەستەکە گفتوگۆ بکەن، دواتر داوای نرخی یاریزانەکە لە ئیدارەی سپێرز بکەن.
بەپێی
زانیارییەکانیش ئەرکی یانەی چێڵسی لە گواستنەوەی هاری کەین ئاسان نییە، چونکە
چەندین یانەی دیکەش هەمان مەبەستیان هەیە و بە هەمان شێوە پلانیان بۆ دانوە، سەخترین
ڕکابەریش یانەی مانچستەر سیتی ئینگلیزییە کە ئەو یانەیە لە ڕووی ماددییەوە
توانایەکی زۆری هەیە و دەتوانێت هاری کەین و تۆتێنهام ڕازی بکات.
جێی بیرهێنانەوەیە
هاری کەین مانگی ڕابردوو بە ئاشکرا ڕۆیشتنی لە ڕیزەکانی تۆتێنهام ڕاگەیاند.
لە تۆڕە کۆمەڵایەتیەکان شەیری بکە