10/06/2021
298 جار خوێنراوەتەوە
وێنه؛ ههولێر.. له رووداوێكی هاتوچۆدا لهنێوان سێ ئۆتۆمبیل؛ چوار كهس برینداربوون
پهیام
له ڕوداوێكی هاتوچۆدا له نێوان سێ ئۆتۆمبێل 4 كهس بریندار بوون و ئۆتۆمبێلێكیان دوولهت بوو.
فازل حاجی، وتهبێژی پۆلیسی ههولێر ڕایگهیاند، کاتژمێر9:30ی سەرلەبەیانی ئەمڕۆ لەسەرشەقامی جوتسایدی دارەتوو، هیۆندایەکی تایبەت بەهۆی تیژڕۆییەوە خۆی بە کیایەکی بارهەڵگری بچوکدا دا و کردی بەدوولەت، له پاشان خۆی کێشا بە مینی پاسێک و ئەویشی لە شەقام فڕێدایە دەرەوە، ئینجا خۆی لە شەقام دەرچوو و بەسەر گردۆلکەیەک کەوت کە لە لێوارێ ڕێگایەکە هەبوو، پاشتر وەستا.
وتیشی: لە دەرەنجامی کۆی گشتی ڕوداوەکەش 4 کەس بەسەختی زامدار بوون و زیانی ماددی بەر 3 ئۆتۆمبێل کەوت.
وتهبێژی پۆلیسی ههولێر ئهوهشی خستهڕوو، ئەوەی شایانی باسکردنە خێرایی ڕێگا پێدراو لەسەر ئەم جوتسایدە بەهۆی ئەوەی کە ناوچەی دانیشتوانە بە 60کم لە کاتژمێرێک دیاری کراوە، بەڵام ئەو لێخوڕینەی کە کراوە لەلایەن هیۆندا تایبەتەکە، بە سەروی 120کم دەخەمڵێنرێت، چونکە ئەو زیانانەی کەوتونەتەوە بەخێرایی زۆر نەبێت ناکەونەوە.
لە تۆڕە کۆمەڵایەتیەکان شەیری بکە