پێش 2 هەفتە 338 جار خوێنراوەتەوە

له‌ شاری مانچسته‌ر مامۆستا عەلی باپیر له‌گه‌ڵ ژمارەیەك ئیمام ‌و بانگەوازكار كۆبووه‌وه‌

په‌یام

لە چوارچێوەی سەردانەكەیدا بۆ شانشینی یەكگرتوو لە شاری مانچستەر، مامۆستا عەلی باپیر سەرۆكی كۆمەڵی دادگەریی كوردستان، لە مزگەوتی (شێخ ڕەئووف بەرزنجی) دیدارێكی تایبەتی هەبوو بۆ ژمارەیەك ئیمام ‌و بانگەوازكار و ئیدارەی بەشێك لە مزگەوتە كوردییەكان.

لە میانی دیدارەكەدا كە سامان ڕەباتی بەرپرسی مەڵبەندی هەندەرانی كۆمەڵ و ئیبڕاهیم موحەممەد عەزیز، ڕاوێژكاری سەرۆك ئامادەی بوون، مامۆستا عەلی باپیر لەژێر ناونیشانی (بانگەوازكاران كێن ‌و چۆنن؟)، وتەیەكی پێشكەش كرد.

سەرۆكی كۆمەڵی دادگەری لە وتەكەیدا، تایبەتمەندییەكانی بانگەوازكارانی خستە ڕوو كە لە قورئان ‌و سوونەتدا هاتووە، لەو بوارەشدا ژمارەیەك ڕێنمایی پێویست ‌و سەردەمیانەی ئاڕاستەی ئامادەبوان كرد.

لە بەشێكی دیكەی وتارەكەیدا، مامۆستا عەلی باپیر ئاماژەی بە لایەنی كۆمەڵایەتی خەڵكی ئەو وڵاتە كرد و ڕایگەیاند "كاتێك گرفت ‌و كێشەی زۆری هاووڵاتیانی كورد دێتە لاتان‌، پێویستە ئیمام‌و بانگخواز لەو ئاستەدابێ بتوانێت لەئاست داواكاریی هاووڵاتییاندا بێت، لەقەدەر گرنگیی‌و پێگەی بابەتەكە".

لە تەوەرێكی دیكەدا سەرۆكی كۆمەڵی دادگەریی باسی لە ڕەوشی سیاسیی عێڕاق بەگشتیی‌و هەرێمی كوردستان بەتایبەتی كرد، لەبەرانبەردا ئامادەبوان پرسیار و سەرنجی خۆیان خستەڕوو، مامۆستا عەلی باپیریش سەرنجەكانی بەهەند وەرگرتوو وەڵامی پرسیارەكانیانی دایەوە.

لە دیدارەكەدا سەرۆكی كۆمەڵ سوپاسی تایبەتی دكتۆر كامەران دزەیی كرد وەك سەرۆكی سەنتەری مەولەویی‌و مزگەوتی شێخ رەئوف بەرزنجیی كە بوارێكی زۆر باشی ڕەخساند بۆ ئەو دیدارەو هاوكاری بێ جیاوازی هەموولایەك.

لە تۆڕە کۆمەڵایەتیەکان شەیری بکە

  • 1 رۆژ پێش ئێستا

    شاندێكی كۆمەڵی دادگەری سەردانی نوسینگەی پارتی دۆزی ئازاد (هوداپار)ی كرد

  • 4 رۆژ پێش ئێستا

    سه‌رۆكی كۆمه‌ڵی دادگه‌ری گه‌ڕایه‌وه‌ هه‌رێمی كوردستان

  • 5 رۆژ پێش ئێستا

    له‌نده‌ن.. مامۆستا عه‌لی باپیر سه‌ردانی ناوه‌ندی ڕۆشنبیریی ئیسلامیی ده‌كات

  • 5 رۆژ پێش ئێستا

    له‌نده‌ن.. سه‌رۆكی كۆمه‌ڵ، له‌گه‌ڵ مه‌ڵبه‌ندی هه‌نده‌ران كۆده‌بێته‌وه‌

  • 6 رۆژ پێش ئێستا

    سه‌رۆكی تیمی پارێزه‌رانی ده‌ستگیركراوانی بادینان سوپاسی سه‌رۆكی كۆمه‌ڵ ده‌كات

  • 6 رۆژ پێش ئێستا

    به‌ریتانیا.. مامۆستا عه‌لی باپیر له‌گه‌ڵ ژماره‌یه‌ك له‌ كوردانی شاری پۆرتسمۆس كۆبووەوه‌

  • 7 رۆژ پێش ئێستا

    حه‌وت ساڵ به‌سه‌ر كۆچی دوایی مامۆستا شێخ محه‌مه‌د به‌رزنجی تێده‌په‌ڕێت

  • پێش 2 هەفتە

    به‌ریتانیا.. مامۆستا عه‌لی باپیر له‌ شاری برادفۆردو له‌ مزگه‌وتی سەلاحەدین كۆڕێكی سازكرد

سەرەتا