باشترین جۆره‌کانی خۆراک له‌ هاویندا بۆ منداڵان كامه‌یه‌؟

وه‌رزی هاوین به‌ هۆی به‌رزی پله‌کانی گه‌رماوه‌، مناڵان پێویستیان به‌ خواردنی کۆمه‌ڵێک خۆراک هه‌یه‌ له‌ پێناو ته‌ندروستییه‌کی باشتر و تا دوور بن له‌ وشکبوونه‌وه‌ و تا و بێهیزی و  که‌می ڤیتامین و کانزا گره‌نگه‌کان.

باشترین خۆراک له‌ هاوین دا بۆ مناڵان بریتین له‌:

۱ـ شووتی.
۲ـ ماست.
۳ـ هێلکه‌ی کوڵاو.
٤ـ گه‌نمه‌شامی، به‌ برژاوی یان کوڵاوی.
٥ـ هه‌رمێ و قه‌یسی و کاڵه‌ک و مزره‌ سێو و هه‌ڵوژه‌.
٦ـ ماسی برژاو.
۷ ـ توو و شاتوو و  ترێ و هه‌نجیر.

چه‌ند ڕێنمیاییه‌کی گرنگ پێویسته‌ له‌ به‌رچاویان بگرین

۱ـ پێدانی سێ ژه‌ی سه‌ره‌کی به‌ تایبه‌ت ژه‌می به‌یانی؛ پێویسته‌ پێش سه‌عات هه‌شت و سێ چاره‌ک خورا بێت.
۲ـ که‌مکردنه‌وه‌ی خواردنه‌ خراپه‌کانی وه‌ک سارده‌مه‌نی؛ پێویسته‌ هه‌فته‌ی دوو جار زیاتر نه‌درێت به‌ مناڵان  و شه‌وان نه‌یخۆن" باشتره‌ نه‌یخۆن به‌ڵام زه‌حمه‌ته‌.
۳ـ خواردنه‌وه‌ی بڕی پێویست له‌ ئاو له‌ نێوان ژه‌مه‌کان  دوای ته‌مه‌نی یه‌ک ساڵ.
٤ـ ئه‌گه‌ر مناڵه‌که‌ت میوه‌ی نه‌خوراد، بۆی بکه‌ی به‌ شه‌ربه‌تی فرێش، له‌گه‌ڵ دوور که‌وتنه‌وه‌ له‌ خواڕدنه‌وه‌ گازییه‌کان.
٥ـ رۆژانه‌ نیو سه‌عات  بۆ یه‌ک سه‌عات بچیته‌ به‌ر هه‌تاو له‌ نێوان سه‌عات نۆ بۆ ده‌ی به‌یانی.
٦ـ دوور که‌وتنه‌وه‌ له‌ شه‌ونخوونی  و دره‌نگ هه‌ستان.

دکتۆر کامه‌ران ره‌سوڵ ژاژڵه‌یی
پسپۆڕی زانستی خۆراک