شه‌وی ڕابردوو ئیسرائیل لە زەوی و ئاسمان و دەریاوە بۆردومانی کەرتی غەززەی كرد

په‌یام

شه‌وی ڕابردوو سوپای ئیسرائیل لە زەوی، ئاسمان و دەریاوە بەچڕی بۆردومانی کەرتی غەززەی كرد.

تۆپهاوێژەکان لە رۆژهەڵات، رۆژئاوا و باکووری کەرتی غەززە بۆردومانی کۆمەڵێک ئامانجی جیاوازیان كرد.

به‌پێی زانیارییه‌كانی په‌یام، سوپای قه‌واره‌ی زایۆنی له‌ ماوه‌ی 24 كاتژمێردا به‌ 160 فڕۆكه‌ 450 بۆمبی هه‌ڵداوه‌ته‌ خاكی غه‌ززه‌وه‌.

بەهۆی بۆردومانەکانیشەوە کارەبای ناوچەکانی باکووری غەززە بڕاوە و ئاگریش لە شوێنی بۆردومانەکان به‌رزبووه‌وه‌.

ژمارەیەکی زۆریش ئامبوڵانس و تیمەکانی بەرگری شارستانی نێردراونەتە شوێنە بۆردومانکراوەکان.

لەلایەکی دیکەشەوە سوپای ئیسرائیل لە راگەیەندراوێکدا ئەوەی خستوەتەڕوو کە ‌هێزەکانیان لە زەوی و ئاسمانەوە هێرشیان کردوەتە سەر کەرتی غەززە.

تا ئێستا هیچ ئامار و زانیارییەکی فه‌رمی دەربارەی زیانی بۆردومانەکان نەخراوەتەڕوو.

به‌پێی سه‌چاوه‌ ناوخۆییه‌كانی فه‌له‌ستین، لە هێرشه‌كانی ئه‌مشه‌ودا منداڵێکی ساوا و سێ منداڵی دیکەی فەڵەستینی شەھیدبوون.