14/05/2021 1869 جار خوێنراوەتەوە

سوپای ئیسرائیل لە لێدوانی "چووینە نێو غەززە" پاشگەزبووەوە

په‌یام

وتەبێژیی سوپای ئیسرائیل، خۆی لە دووپاتکردنەوەی لێدوانەکەی دزییەوە بەوەی کە لەوەوپێش گوتوبووی"سوپای ئیسرائیل چووەتە نێو غەززەوە"، لە بری ئەوە گوتی: "ھێرشەکان درێژەیان ھەیە".

وتەبێژی سوپای ئیسرائیل، جۆنەسان کۆنریکوست لەوەو پێش لە لێدوانێکیدا رایگەیاندبوو کە سوپای وڵاتەکەی ھێرشی دەستپێکردووە و سەربازانی ئیسرائیلی "چوونەتە نێو غەززەوە".

لەلایەکی دیکەش، وتەبێژێکی دیکەی سوپای ئیسرائیل بەناوی ئاڤیچای ئادرایی لە لێدوانێکیدا بۆ ئاژانسی ئانادۆڵو رایگەیاند کە ناتوانێت ئەوە پشتڕاست بکاتەوە کە سەربازانی وڵاتەکەی چوونەتە نێو کەرتی غەززە یاخود نا، لەمبارەیەوە گوتی: "تەنھا ئەوە دەتوانم بڵێم کە لە ئاسمان و وشکاییەوە ھێرش بۆسەر کەرتی غەززە دەستیپێکردووە".

ئاڤیچای ئادرایی لەبارەی لێدوانی گوتەبێژەکەی دیکە بەوەی کە رایگەیاندبوو "سەربازانی ئیسرائیل چوونەتە نێو کەرتی غەززەوە" بانگەشەی ئەوەی کرد کە لەو لێدوانەدا "ھەڵەی وەرگێران" ھەبووە.

ئادرایی لەمبارەیەوە گوتی: "گوتەکانی جۆنەسان، نە بە درۆی دەخەمەوە نە پشتڕاستی دەکەمەوە، لەمبارەیەوە ھیچ روونکردنەوەیەک نادەم".

لە ھەواڵێکدا کە لە رۆژنامەی تایمز ئۆف ئیسرائیل بڵاوکراوەتەوە، ئاماژە بەوە کراوە کە سوپای ئیسرائیل زانیاری ھەڵەی بە میدیا بیانییەکان داوە.

ھەر لە ھەواڵەکەدا ئەوەش خراوەتەڕوو کە کاتێ پرسیاری "ئایا سەربازانی ئیسرائیل چوونەتە نێو غەززە؟" ئاراستەی جۆنەسان کۆنریکوست کراوە، بە "بەڵێ" وەلامی داوەتەوە.

لەدوای ئەوەی کە جۆنەسان لە راگەیەندراوێکی نووسراودا رایگەیاندبوو کە "لە رێگەی ئاسمانی و وشکاییەوە ھێرش دەکەینەوە سەر غەززە"، لە لێدوانێکیدا بۆ ئاژانسی ئانادۆڵو، واشنتۆن پۆست و کەناڵی ٢٤ی ئیسرائیلی ئاشکرای کردبوو کە "سەربازانی ئیسرائیل چوونەتە نێو غەززەوە".

لە تۆڕە کۆمەڵایەتیەکان شەیری بکە

  • 6 کاتژمێر پێش ئێستا

    ڕاپۆرت؛ عه‌ره‌بێك وه‌ك جێگری سه‌رۆكی كنێستی ئیسرائیل هه‌ڵبژێدرا

  • 8 کاتژمێر پێش ئێستا

    ئوردون تێلیگرامی بلۆککرد

  • 11 کاتژمێر پێش ئێستا

    داوا ده‌كرێت پێش وه‌رزی زستان هاوكاری بگه‌یه‌نرێته‌ لێقه‌وماوان

  • 23 کاتژمێر پێش ئێستا

    لە كەرتی غەززە، ڕووفاتی 70 فەڵەستینی دیكە بە خاك سپێردران

  • 1 رۆژ پێش ئێستا

    نەتەنیاهوو: ئێران كار لەسەر زیندووكردنەوەی بەرنامە ئەتۆمییەكەی دەكات

  • 1 رۆژ پێش ئێستا

    لە سەرەتای جەنگەوە، لانیكەم 25 دەریاوان لە گەرووی هورمز كوژراون

  • 1 رۆژ پێش ئێستا

    تاران: پیتاندنی یۆرانیۆم ڕاناگرین و له‌ هیچ ڕێكه‌وتنێكدا ئه‌وه‌ قبوڵ ناكه‌ین

  • 1 رۆژ پێش ئێستا

    ئێران: ئاژانسی وزه‌ی ئه‌تۆم له‌ژێر كاریگه‌ری ئه‌مریكا و ئه‌ورووپادایه‌

سەرەتا