03/05/2021
726 جار خوێنراوەتەوە
جۆ بایدن: ساڵڕۆژی كوژرانی ئوسامه بن لادن ساتێكه هیچ كاتێك بیرم ناچێته‌وه
پەیام
سه‌رۆكی ئه‌مریكا رایگه‌یاند ساڵڕۆژی كوژرانی ئوسامه بن لادن دامه‌زرێنه‌ری ڕێكخراوه‌ی ئه‌لقاعیده ساتێكه هیچ كاتێك بیری ناچێته‌وه.
جۆ بایدن سه‌رۆكی ویلایه‌ته یه‌كگرتوه‌كانی ئه‌مریكا له‌راگه‌یه‌نراوێكدا ئاماژه‌ی به‌وه‌كردوه، سوپاسی سه‌رجه‌م ئه‌ندامانی ئۆپراسیۆنی كوژرانی ئوسامه بن لادن دامه‌زرێنه‌ری ڕێكخراوه‌ی ئه‌لقاعیده ده‌كه‌م كه 10 ساڵ له‌مه‌وبه‌ر به‌سه‌ركه‌وتویی ئۆپراسیۆنه‌كه‌یان ئه‌نجامدا.
بایدن كه له‌شه‌وی كوژرانی ئوسامه بن لادندا له‌گه‌ڵ باراك ئۆباما سه‌رۆكی پێشوتری ئه‌مریكا به‌شداربو له‌ژوری چاودێریكردنی ئۆپراسیۆنه‌كه باسی له‌وه‌كردوه، ئه‌و شه‌وه ساتێكه هیچ كات بیرم ناچێته‌وه.
به‌ره‌به‌یانی رۆژی 2ی ئایاری 2011 باراك ئۆباما، سه‌رۆكی پێشوتری ئه‌مریكا، كوژرانی ئوسامه بن لادن، سه‌رۆكی پێشوی رێكخراوی ئه‌لقاعیده‌ی له پرۆسه‌یه‌كی تایبه‌تی هێزه كۆماندۆزه‌كانی وڵاته‌كه‌یدا، له ناوچه‌ی وه‌زیرستانی پاكستان راگه‌یاند.
لە تۆڕە کۆمەڵایەتیەکان شەیری بکە