03/05/2021
1057 جار خوێنراوەتەوە
پاریس سانجێرمان لیستی یاریزانەکانی بۆ ڕووبەڕووبوونەوەی مانسیتی ڕاگەیاند
پەیام سپۆڕت
یانەی پاریس
سانجێرمانی فەڕەنسی لیستی یاریزانەکانی بۆ ڕووبەڕووبوونەوەی یانەی مانچستەر سیتی
ئینگلیزی ڕاگەیاند.
سبەی سێشەممە
کاتژمێر 10:00ی شەو وادەی بەڕێوەچوونی یاریزانی نێوان
پاریس سانجێرمان و مانچستەر سیتییە، یانە ئینگلیزییەکە لەسەر یاریگای ئیتیحادی
تایبەت بە خۆی میوانداری لە یانەی پاریسییەکە دەکات.
سەبارەت بەم
یارییە ماوریزیۆ پۆچێتینۆی ڕاهێنەری یانەی پاریس سانجێرمان لیستی یاریزانەکانی بڵاوکردۆتەوە،
ئەوەی هەمووان چاوەڕوانی بوون چارەنووسی کیلیان مباپێی هێرشبەری لاوی یانەکە بوو،
ناوی ئەو یاریزانەش لە لیستەکەدا دەبینرێت، واتا مباپێی لەگەڵ شاندی یانەکەی گەشتی
بەڕیتانیا دەکات و بۆ ئەو یارییە ئامادە دەبێت.
بەڵام هەرچەندە
ناوی ئیدرسیا گانای یاریزانی هێڵی ناوەند لە لیستی یاریزانانی پاریسدایە، بەڵام بە
هۆی وەرگرتنی کارتی سوور لە یاری ڕابردوودا تاکە یاریزانە لەم یارییە بێ بەشە.
لە تۆڕە کۆمەڵایەتیەکان شەیری بکە