پێش 3 هەفتە 417 جار خوێنراوەتەوە

کەی باشترین کاتە بۆ وه‌رزش له‌ مانگی ره‌مه‌زان دا؟


گرنگترین ڕێنمیاییه‌ پزیشکیه‌کان لەو بارەیەوە ئەمانە:
پسپۆڕەکان کۆکن  لەسەر‌ئەوەی، باشترین کات  بۆ وەرزش  لە مانگی پیرۆزی رەمەزان بریتین له دوو کات:
١ـ  یەک سەعات بۆ سەعات و نیوێک پێش بەربانگ:
 باشترین کاتە بۆ دابەزینی کێش، چونکە رێژەی  شەکرەی خوێن  له کەمترین ئاست دایە و ماوەیەکی زۆر کەم ماوە بۆ  قەرەبووکردنەوەی جەستە لە کەمی  شلەمەنی و کانزاکان و وزە، بەڵام پیویستە ئەم خاڵانە بەرچاو بگیرێن:
ماوەی وەرزش لە یەک کاتژێر  زیاتر نەبێت.
ناگونجێت بۆ کەسانی بە ساڵاچوو، بە تایبەت ئەوانەی نەخۆشی درێژخایەنی  وەک نەخۆشی شەکرە و بەرزی فشاری خوێن و نەخۆشیەکانی دڵیان هەیە .
شوێنی وەرزشەکە  پێویسته گونجاو بێت لە رووی پلەی گەرمی و شێوە، چونکە نابێت پلەی گەرما بەرز بێت،  بۆ ئەوەی لەش‌ تووشی وشکبوونەوە نەبیت.
وەرزشی سووک یا مامناوەند  هەڵبژێرە، وێنەی رۆیشتن بە پێ، هەروەلەکردن، تەمرینی سویدی،  پاسکیلسواری،  بە کارهێنانی ئامێری وەرزشی  کە  خێرایی و  قورسیەکەی  سادە یا مامناوەندە.
هەروەها باشترە ھەر ئەو وەرزشانە  بکەیت کە پێشتر کردووتە و وەرزشی تازە تاقی نەکەیتەوە لە مانگی ڕەمەزاندا.

سوودەکانی وەرزش پێش بەربانگ
١ـ پاکردنەوەی جەستە لە ماددە ژەهراوەیەکان.
٢ـ  کاتێکی نموونەییە بۆ دابەزاندنی کێش.
٣ـ  یارمەتی هێوەربوونەوە و کەمکردنەوەی تووڕەیی دەدات.

باشترین کات بۆ ئەنجامدانی وەرزش لە ڕەمەزان دا کەیە؟
وەرزش دوای بەربانگ بە دوو سەعات و نیو  بۆ چوار سەعات:
 کاتێکی گونجاوە بۆ ئەو کەسانەی پیش بەربانگ ناتوانن وەرزش‌ بکەن،  بە هۆی نەبوونی کات  یا  کێشەی تەندروستی  یا بەساڵاچووان، هەروەها  ئەوانەی دەیانەوێت ماسولکە  دروست کەن و دەتوانن بە ئارەزووی خۆیان  بۆ چەند کاتژێرێک ئەنجامی دەن، پێویستە راستەوخۆ دوای رۆژوو شکاندن وەرزش‌ نەکرێت، لە بەر دڵەکزێ  و  زوو هیلاک بوون و شەکەتی.

سوودەکانی وەرزش  پاش بەربانگ:
سووتانی  وزەی زیاتر لە پێویستی جەستە دوای خواردن 
بەرزکردنەوی رێژەی  سووتاندنی چەوری و بنیاتنانی ماسولکەکان.

دکتۆر کامه‌ران رەسوڵ ژاژڵه‌یی
پسپۆڕی زانستی خۆراک

لە تۆڕە کۆمەڵایەتیەکان شەیری بکە

  • پێش 2 هەفتە

    خانمانی شیرده‌ر به‌ شێوه‌یه‌كی ته‌ندروست چۆن به‌ڕۆژووبن؟

  • پێش 2 هەفتە

    خانمانی دووگیان چۆن به‌ڕۆژووبن؟

  • پێش 3 هەفتە

    تەندروستیی جیهانی به‌نیازه‌ تا كۆتایی ساڵی 2021 دوو ملیار ڤاكسین بەسەر 190 وڵاتدا دابەش بكات

  • پێش 3 هەفتە

    کەی باشترین کاتە بۆ وه‌رزش له‌ مانگی ره‌مه‌زان دا؟

  • پێش 3 هەفتە

    ئه‌و هۆکارانه‌ی وا ده‌کات رۆژانه‌ لە مانگی رەمەزاندا ماست بخۆێت

  • پێش 4 هەفتە

    کام خواردن گونجاوە بۆ پارشێوان؟

  • پێش 4 هەفتە

    دکتۆر عەبدولواحید باس لە سودە تەندروستییەکانی شیر دەکات

  • پێش 4 هەفتە

    سه‌رئێشه‌ی کاتی ڕۆژووی مانگی ڕه‌مه‌زان

سەرەتا