19/04/2021
404 جار خوێنراوەتەوە
فەرماندەیەكی باڵای سوپای پاسداران بە جەڵتەی دڵ كۆچی دوایی كرد
په‌یام
سوپای پاسدارانی شۆڕشی ئیسلامیی ئێران كۆچی دوایی جەنەڕاڵێكی سوپاكەی بە ناوی محەممەد حسێن زادە حیجازی جێگری فەرماندەی فەیلەقی قودسی سوپای پاسداران ڕاگەیاند، كە سەرپەرشتیی كردە دەرەكییەكانی ئەو سوپایەی دەكرد، دوای تیرۆركرانی قاسم سلێمانیش بوو بە جێگری ئیسماعیل قائانی.
حیجازی هاوكاریی بەڕێوەبردنی هێزە زانیاری كۆكەرەوەكان بوو كە لە نێوان عێراق و لوبنان و سووریادا لە جموجوڵدا بووە، هەروەك لە نیسانی ساڵی ڕابردوودا بەرپرسیارێتی هێزێكی سوپای پاسدارانی لە لوبنان كردووە و بەپێی هەواڵی كەناڵە ئێرانیەكان ئەو هێزە شەڕی لە دژی ڕێكخراوی داعش لە عێراق و سووریا كردووە.
لەلایەكی دیكەوە، عەلی خامنەیی ڕێبەری باڵای شۆڕشی ئیسلامیی ئێران، لەبارەی جەنەڕاڵ حیجازی دەڵێت "عەمید محەممەد حیجازی وەك موجاهیدێك بۆ خزمەتی ئیسلام و شۆڕش ژیا و وەك بەرپرسێكی گەورە و كاریگەر خزمەتێكی زۆری لە شۆڕشی ئیسلامی ئێراندا كرد و لە ئەركەكەیدا زۆر سەركەوتوو و لێهاتوو بوون هەروەك سەرەخۆشی لە بنەماڵە و كەسوكارەكەی كرد.
حیجازی ساڵی 1956 لە ئەسفەهان لەدایك بووە و دوای ساڵی 1979 پەیوەندی بە سوپای پاسدارانی شۆڕشی ئیسلامی ئێرانەوە كردووە، بۆ ماوەی دە ساڵ بەرپرسیارێتی سوپای پاسدارانی كردووە، لە ڕاگەیەندراوی سوپای پاسدارانیشدا هاتووە: ناوبراو بە جەڵتەی دڵ كۆچی دوایی كردووە.
لە تۆڕە کۆمەڵایەتیەکان شەیری بکە