16/04/2021
337 جار خوێنراوەتەوە
ئێران رایگەیاند گەیشتوونەتە ئاستی پیتاندنی یۆرانیۆم بە رێژەی لە سەدا 60
پهیام
كۆماری
ئیسلامیی ئێران رایگەیاند گەیشتوونەتە ئاستی پیتاندنی یۆرانیۆم بە رێژەی لە سەدا
60 لە هەر كاتژمێرێكدا نۆ گرام یۆرانیۆم بەرهەم دەهێنن.
لەو
بارەوە محەمەد باقر قالیباف سەرۆكی پەرلەمانی ئێرا باسی لەوە كرد كە زانایانی گەندی
ئێرانی سەركەوتوو بوون لە پیتاندنی یۆرانیۆم بە رێژەی سەدا 60 ، وتیشی: ئیرادەی گەلی
ئێران هەموو جۆرە پیلانێك دژ بە وڵاتەكەی لەچالاكی دەخات.
هاوكات
عەلی ئەكبەر ساڵحی سەرۆكی دامەزراوەی وزەی ئەتۆمی ئێران، ئەو هەنگاوەی پشتڕاست كردەوە
و ئاماژەی بەوە كرد كە دواتر وردەكارییەكان لەو بارەیەوە بڵاودەكەنەوە.
عەباس
عێراقچی جێگری وەزیری دەرەوەی ئێران، لە
13ی نیساندا لە لێدوانێكیدا باسی لەوە كرد كە لە نامەیەكیدا بۆ رافائیل ماریانۆ سەرۆكی
ئاژانسی نێودەوڵەتی وزەی ئەتۆمی، ئاماژەی بەوە كردووە وڵاتەكەی دەستیكردووە بە كار
بۆ پیتاندنی یۆرانیۆم بەڕێژەی سەدا 60 و لە لە هەر كاتژمێرێكدا نۆ گرام یۆرانیۆم بەرهەم
دەهێنن.
لە
بەرامبەردا، هەریەك لە بەریتانیا، فەڕەنسا و ئەڵمانیا لە بەیانامەیەكی هاوبەشدا
داوایان لە ئێران كۆتایی بەو هەنگاوەی بهێنێت و چارەسەرە دبلۆماسییەكان ئاڵۆزتر نەكات.
لە تۆڕە کۆمەڵایەتیەکان شەیری بکە