07/04/2021
384 جار خوێنراوەتەوە
ژمارەیەك گرووپی شیعە هەڕەشەی هێرشكردنە سەر هێزەكانی ئەمریكا دەكەن
پەیام
ژمارەیەك گرووپی چەكداری شیعە هەڕەشەی ئەوەیان
كردووە كە گورزی گەورە لە هێزەكانی ئەمریكا لە عێراق دەوەشێنن، ئەگەر بەغدا و
واشنتۆن وادەیەكی دیاریكراو بۆ كشاندنەوەی هێزەكانی ئەمریكا لە عێراق رانەگەیەنن.
"دەستەی هەماهەنگیی هێزەكانی بەرهەڵستی
لە عێراق" كە لە گرووپە چەكدارە شیعەكانی نزیك لە ئێران پێكهاتوون رایانگەیاندووە
زانیاری پشتڕاستكراوەیان هەیە لەوەی ئەو راگەیەنراوەی كە لە دوای گەڕێكی دیكەی
گفتوگۆی ستراتیجیی نێوان بەغدا و واشنتن بڵاودەكرێتەوە، هیچ ئاماژەیەكی بۆ جێبەجێكردنی
بڕیارەكەی ئەنجوومەنی نوێنەران سەبارەت بە دەركردنی هێزەكانی ئەمریكا لە عێراق، تیادا
نییە".
دەستەكە لە راگەیەنراوەكەیدا باسی لەوەشكردووە،
ئەو راگەیەنراوە رەتدەكەنەوە كە دوای گفتوگۆی ستراتیجیی بڵاودەكرێتەوە.
ئەمە لەكاتێكدایە چاوەڕان دەكرێت ئەمڕۆ ، خولێكی
دیكەی گفتوگۆی ستراتیجیی لەنێوان عێراق و ئەمریكا لەڕێگای ڤیدیۆ كۆنفرانسەوە ساز
بكرێت.
لە تۆڕە کۆمەڵایەتیەکان شەیری بکە