07/04/2021
501 جار خوێنراوەتەوە
سبەینێ حیزب و لایەنە سیاسییەكان لەگەڵ سەرۆكی هەرێم كۆدەبنەوە
پەیام
سبەی پێنجشەممە نێچیرڤان بارزانی، سەرۆكی هەرێمی
كوردستان لە هەولێر لەگەڵ لایەنە سیاسییەكان كۆدەبێتەوە."
فارووق عەلی، ئەندامی ئەنجوومەنی باڵای كۆمەڵی
دادگەریی كوردستان وەك هەڵوێست و ئامانجی كۆمەڵ لەمبارەوە رایگەیاندووە: "كۆمەڵی
دادگەریی كوردستان پێیوایە رێگە دروستەكە ئەوەیە كە بەرژەوەندییە هاوبەشەكان لەبەرچاو
بگیرێن و كۆبوونەوەی حیزبەكانیش بۆ پرسە چارەنووسسازەكان، پەیوەندیی هەولێر و بەغدا،
مووچە و كێشەی هاووڵاتییان بێت."
پارتی و گۆڕانیش، ئامادەبوونی خۆیان لە كۆبۆنەوەی
سبەینێدا راگەیاندووە و و پێشوازییان لێكردووە
و چاوەڕوان دەكرێت زۆرینەی حیزبەكانیش بەشدار بن.
كۆبوونەوەی پارتە سیاسیەكان بۆ پتەوكردنی پەیوەندیەكان
و گەنگەشەكردنی بابەتە هەنووكەییەكان و باسكردنی یكڕیزی كورد و پارتە سیاسیەكانە و
كە ناوبەناو ئەنجام دەدرێن، و پارتەكانی دەسەڵاتیش هەموو جارێكیش بەڵێنی كاركردن لەگەڵ
حیزبەكانی تردا دەدەن و لە خزمەتی بەرژەوەندیی گشتیدا دەبن. بەڵام كەمترین بەڵینەكانیان
لە سەر شانۆی رووداوەكانی كوردستاندا رەنگ دەداتەوە.
لە تۆڕە کۆمەڵایەتیەکان شەیری بکە