مامۆستا عەلی باپیر ئامادەی دیدارێك لەگەڵ مامۆستا و زانایانی ئایینی بوو

پەیام

ئەمڕۆ مامۆستا عەلی باپیر سەرۆكی كۆمەڵی دادگەریی كوردستان لە ‌دەڤەری بیتوێن بەشداریی لە دیداری ژمارەیەك مامۆستا و زانای ئایینی كرد، كە لقی بیتوێن‌ و پشدەری ناوەندی زانایان‌ و بانگەوازی كۆمەڵی دادگەریی لە سنووری مەڵبەندی (5)ی ڕانیەی كۆمەڵ ڕێكی خستبوو.

سەرەتا مامۆستا عەلی باپیر باسی لە هەلومەرجی سیاسیی ئێستای عێڕاق ‌و هەرێمی كوردستان‌ و دوا پێشهاتەكان كرد.

سەرۆكی كۆمەڵی دادگەریی تیشكیشی خستە سەر ڕۆڵ‌ و كاریگەریی مامۆستایان ‌و زانایان لە پەروەردەی تاكەكاندا لە هەرێمی كوردستان، كە كاریگەریی ئەرێنیی هەبووە لەسەرجەم قۆناغە هەستیارەكان بەتایبەت كە لەئێستادا‌ گەنج‌ و لاوەكان ڕووبەڕووی لادانی فیكریی‌ و ئایدۆلۆژیی بوونەتەوە،

مامۆستا عەلی باپیر جەختی كردەوە كە پێویستە مامۆستایان‌ و زانایانی ئایینی وریای پێگە و كەسایەتیی خۆیان بن‌ و چاوكراوەتر و هۆشیارانەتر مامەڵە لەگەڵ ڕووداو و گۆڕانكارییەكاندا بكەن ‌و هەردەم وەك پێشەنگ بمێننەوە.

لە كۆتایی كۆبوونەوەشكەدا ئامادەبووان چەندین پرسیار و پێشنیاریان ئاراستەی مامۆستا عەلی باپیر كردو لە لایەن بەرێزیانەوە وەڵام درانەوە.