07/04/2021
413 جار خوێنراوەتەوە
پۆلیسی وارماوا شەش ئافرەتییان بەتۆمەتی دزیکردن دەستگیرکرد
په‌یام
بەڕێوەبەرایەتی پۆلیسی پارێزگای سلێمانی رایگه‌یاندووه، مەفرەزەکانی بنکەی پۆلیسی وارماوای سەر بەبەشی پۆلیسی شارەزوور، لەدوو ڕوداوی جیاوازداو پاش وەرگرتنی بڕیاری دادوەری لێکۆڵینەوە، شەش ئافرەتییان بەتۆمەتی ئەنجامدانی دزیکردن دەستگیرکرد.
پۆلیسی سلێمانی رونیكردوه‌ته‌وه، پاش ئەوەی ھاوڵاتییەک سکاڵای تۆمارکرد کە بڕی ١٠ ملیۆن دیناری لەناحیەی عەربەت لێ دزراوە، دەستبەجێ ھێزەکانی پۆلیس لێکۆڵینەوەکانیان دەستپێکردو توانرا چوار ئافرەت لە (سەیدسادق و عەربەت) بەتۆمەتی دزینی پارەکە دەستگیر بکرێن و دەستیشگیرا بەسەر ئەو بڕە پارەیەدا کە دزیبویان.
راشگه‌یه‌نراوه، لەلایەکی دیکەوە مەفرەزەکانی پۆلیس دوو تۆمەتباری ئافرەتیان لەماڵێکدا لەناحیەی (وارماوا) دەستگیرکرد کە بەنیازبوون کەلوپەل و پارە لەو ماڵە بدزن.
پۆلیسی سلێمانی ئاماژه‌ی بۆ ئه‌وه‌شكردووه، سەرجەم تۆمەتباران لەبەردەم دادوەری لێکۆڵینەوەدا دانیان بەتاوانەکانیاندا ناوەو لەئێستادا بەبڕیاری دادوەرو بەپێی ماددەی ٤٤٤ لەیاسای سزادانی عێراقی ڕاگیراون.
لە تۆڕە کۆمەڵایەتیەکان شەیری بکە