07/04/2021
395 جار خوێنراوەتەوە
ناوبژیوانی یاری کلاسیکۆ دیاری کرا
پەیام سپۆڕت
وا بڕیارە ڕۆژی
شەممە لەسەر یاریگای دی ستیڤانۆی تایبەت بە یانەی شاهانە یانەی بەرشەلۆنە لە میانی
یاری کلاسیکۆ ببێتە میوانی یانە مەدریدییەکە.
ڕۆژنامەی مارکاش
ئاشکرای دەکات، یەکێتی تۆپی پیی ئیسپانی بۆ داوەریکردنی ئەو یارییە ماتیۆ لاهۆزی تەمەن 44 ساڵی دەستنیشان کردووە.
ماتیۆ لاهۆز یەکێکە
لە داوەرە هەرە دیار و بەناوبانگەکانی خولی ئیسپانی و لەم وەرزەشدا لە خولەکی
ئیسپانی 14 یاری بەرێوەبردەوە و 62 کارتی زەردی داوە و یەک کارتی سووریشی
بەڕووی یاریزاندا بەرزکردۆتەوە، لە چامپیۆنسلیگیش وەک ناوبژیوان سەرپەرشتی چوار
یاری کردووە.
لەم وەرزەدا لاهۆر
لە یەک یاری بەرشەلۆنەدا داوەری کردووە و ئەو یارییەش بەرانبەر ئۆساسۆنا یانە
کەتەلۆنییەکە بردنەوەی تۆمار کردووە، هەروەها یەک یاریش لە یارییەکانی ڕیاڵ مەدرید
ناوبژیوان بووە، ئەو یارییەش دێربی مەدرید بووە و کە تیاییدا قەڵای سپی بە ئەنجامی
دوو گۆڵی بێ وەڵام یارییەکەی برد بووەوە.
لە تۆڕە کۆمەڵایەتیەکان شەیری بکە