تۆخێل: پۆرتۆ یانەیەکی زۆر قورسە

پەیام سپۆڕت

تۆماس تۆخێلی ڕاهێنەری یانەی چێڵسی ئامادەیی ئەنگۆلۆ کانتێ و تامی ئەبراهام و کریستیانۆ پۆلیسیچ بۆ ڕووبەڕووبوونەوەی یانەی پۆرتۆ ڕاگەیاند و ئەو یارییەشی بە قورس بۆ یانەکەی وەسف کرد.

 لە میانی ئەو کۆنگرە ڕۆژنامەوانییەی بۆ ئەو یارییە بۆی ساز کرا بوو، تۆخێل سەرەتا ئەوەی ڕاگەیاند، هەر سێ یاریزانی یانەکەی کانتێ و ئەبراهام و پۆلیسیچ گەڕاونەتەوە و بۆ ئەو یارییە ئامادەن، بەڵام کانتێ و ئەبراهام بە ئەگەرێکی زۆرەوە لەسەر کورسی یەدەگ دەبن.

لە درێژەی قسەکانیدا ڕاهێنەرەکەی بلوز وتی: ڕووبەڕووبوونەوەی پۆرتۆ قورس و گرنگە، چونکە دوای ئەوەی بەرانبەر وێست بڕۆمیچ شکستمان هێنا ئێستا دەمانەوێت کاردانەوەمان هەبێت، چونکە ئەو شکستە وەک زلەیەکی گەورە وابوو بۆ ئێمە.

لە کۆتایی قسەکانیدا تۆخێل ئاماژەی بەوە کرد، پێویستە شیکاری بۆ شکستی یاری ڕابردوو بەرانبەر وێست بڕۆمیچ بکەن و دواتر چاسەری هەڵەکان بکەن.