بەپێی باڵات بزانە کێشت چۆنە

په‌یام

لەشکر حەمید- ئه‌ندازیاری خۆراك

بە زانینی باڵا و کێش دەتوانیت بزانیت کێشت زۆرە یان کەم كە پێی دەگوترێ هاوكۆلكەی بارستایی جەسته‌(BMI-Body mass index).

کێشت چەندە دواتر دابەشی باڵا بە مەتر دووجا بکە، ئەنجامەکەی بەراورد بکە بەم ستاندارانەی خوارەوە بزانە کێشت چۆنە.

تێبینی: مەبەست لە باڵا مەتر دوجا ئەوەیە بۆ نموونە ئەگەر تۆ باڵات 170 سم بێت بە مەتر بریتییە لە 1.7 دواتر دوجای دەکەین پاشان کێشی لەش دابەشی ئەو ژمارەیە دەکەین کە لە ئەنجامی دوجاکردنەکە بۆمان دەرچووە.

1- کەمتر لە 18.5 کێشت کەمە
2- کێشی ئاسایی ئەنجام بریتی دەبێ لە 18.5 - 24.9
3- ئەنجامی 29.9-25 کێشت زیادە
4- ئەنجامی30 بۆ سەرەوە واتە قەڵەوە

بۆ خانمی دووگیان پێویستە کێشی زیاد بکات لەکاتی دووگیانیدا بە پێی کێشت بۆ ئەو مەودایانەی سەرەوە، بەم شێوەیە:

1- ئەگەر 18.5 کەمتر بوو دەبێت 12.5 کگم بۆ 18 کگم کێشی زیاد بکات.
2- ئەگەر 18.5 بۆ 25 بوو دەبێت کێشی 11.5 کگم بۆ 16 کگم زیاد بکات.
3- ئەگەر 25 بۆ 30 بوو پێویستە 7 کگم بۆ 11 کگم کێشی زیاد بکات.
4- ئەگەر سەروو 30 بوو پێویستە 6 کگم کێشی زیاد بکات.