06/03/2021
568 جار خوێنراوەتەوە
هێرشی مووشهكی بالیستیی له باكووری سووریا سێ كوژراو و 28 برینداری لێكهوتهوه
پهیام
لە ئەنجامی دوو ھێرش بە مووشەکی بالیستیی بۆ سەر دوو خاڵی جیاواز لە شارۆچکەکانی باب و جەرابلوس لە باکووری سووریا، سێ هاوڵاتی مهدهنی گیانی لەدەستدا و ٢٨ هاوڵاتی دیکە برینداربوون.
سەر لە ئێوارەی دوێنێ ناوچەی حەمران سەربە شارۆچکەی جەرابلوس کە دەکەوێتە سەر سنووری تورکیا و ناوچەی تەرحین لە باکووری خۆرھەڵاتی شارۆچکەی باب بوونە ئامانجی ھێرشی مووشەکی بالیستیی.
لەو ناوچانەی کە ھێرشەکان کردوویانەتە ئامانج پاڵاوگەی نەوت کە بەشێوازیی سەرەتایی وەگەڕخراون ھەن و بەھۆی ئەوەی ژمارەیەکی زۆر تانکی نەوت گڕیان گرتووە، تەقینەوەی بەھێز روویانداوە.
لە ئەنجامی ھێرشەکاندا سێ مهدهنی گیانی لەدەستداوە و ٢٨ مهدهنی دیکە برینداربوون.
ھێشتا نەتوانراوە ئەوە دەستنیشان بکرێت کە مووشەکەکان لەلایەن کێوە ھەڵدراون.
بریندارەکانی ھێرشەکە بۆ نەخۆشخانەکانی دەوروبەر گوازراونەتەوە و ژمارەیەکی زۆر ئۆتۆمبیلی ئاگرکوژێنەوە رەوانەی ناوچەکە کراون.
نیگەرانیی لە بەرزبوونەوەی ژمارەی قوربانییان له ناوچهكه ھەیە.
ناوچەی تەرحین رۆژی ٢ی شوباتیش بەرەوڕووی ھێرشێک بە مووشەکی بالیستیی ببوویەوە و لە ئەنجامی ھێرشەکەدا دوو مهدهنی گیانیان لەدەستدابوو، و شەش هاوڵاتی دیکە بریندارببوون.
لە تۆڕە کۆمەڵایەتیەکان شەیری بکە