05/03/2021
1945 جار خوێنراوەتەوە
بههۆی ئهوهی 22 ساڵ بێتاوان زیندانی كرا، 500 ههزار دۆلار قهرهبووی وهرگرت
پهیام
لە ئەمریكا، دادگا بڕیاریدا كە ویلایەتی میسیسیپی بڕی 500 هەزار دۆلار وەك قەرەبوو بداتە هاووڵاتی رەشپێست، كورتیس فلاوەرس لە پای ئەوەی زیاتر لە 22 ساڵ بە بێتاوان بەندكراوە.
دادگای باڵای ئەمریكا لە ساڵی 2019دا، بڕیاری ئازادكردنی بۆ كورتیس فلاوەرس دەركرد.
كورتیس فلاوەرس لە ساڵی 2020دا، بەهۆی ئەوەی بە نایاسایی بەندكراوە سكاڵای تۆماركرد و داوای كرد قەرەبوو بكرێتەوە. دادگاش بڕیارەكەی ویلایەتی میسیسیپی بە ناڕەوا لەقەڵەمدا و بڕیاریدا كە بڕی 500 هەزار دۆلار وەك قەرەبوو بدات بە ناوبراو.
هەروەها دادگا بڕیاریدا كە 50 هەزار دۆلاریش بدرێتە پارێزەرانی كورتیس وەك تێچووی بریكارەكەیان.
كورتیس فلاوەرس لە ساڵی 1996دا، وەك بەرپرس لە كوژرانی چوار كەس لەنێو كۆگایەكی مۆبیلیاتدا لە قەزای وینۆنا دەستبەسەركرا و سزای لەسێدارەدانی بۆ دەركرابوو.
لە تۆڕە کۆمەڵایەتیەکان شەیری بکە