فراکسیۆنی سەوز: پێویستە حکومەتی ھەرێم ڕێز لەیاساو دادگاکان بگرێت

فراکسیۆنی سەوز لە ئەنجومەنی پارێزگای سلێمانی لە پەیامێکدا رایدەگەیەنێت، دژی ھەموو دەستوەردانێکین لەکاروباری دادگاکان و جەخت لەسەروەری یاسا دەکەینەوەو پێویستە پێش ھەموولایەک حکومەتی ھەرێم خۆی ڕێز لەیاساو دادگاکان بگرێت بۆئەوەی ڕێگری لەئەنجامدانی تاوان بکرێت.

دەقی پەیامەکە..
پەیامی فراکسیۆنی سەوز لەئەنجومەنی پارێزگای سلێمانی
وەک ئاشکرایە لە چەند ڕۆژی ڕابردوودا لەناو شاری سلێمانی بەچەقۆ ھێرش کرایە سەر پەرلەمانتارێکی کوردی ئەنجومەنی نوێنەرانی عێڕاق .
وێڕای دەستخۆشیمان بۆ ھێزە ئەمنیەکانی سلێمانی کە توانییان لەماوەیەکی کەمدا تۆمەتباران بدۆزنەوەو ڕادەستی دادگایان بکەن، لەھەمان کاتدا پشتیوانی تەواوی خۆمان بۆ ئەو لێدوانەی بەڕێز (لاھور شێخ جەنگی) ھاوسەرۆکی یەکێتی نیشتمانی کوردستان ڕادەگەیەنین لەسەر ئەم کەیسە، وە دژی ھەموو دەستوەردانێکین لەکاروباری دادگاکان و جەخت لەسەروەری یاسا دەکەینەوەو پێویستە پێش ھەموولایەک حکومەتی ھەرێم خۆی ڕێز لەیاساو دادگاکان بگرێت بۆئەوەی ڕێگری لەئەنجامدانی تاوان بکرێت .
فراکسیۆنی سەوز لەئەنجومەنی پارێزگای سلێمانی