03/03/2021
347 جار خوێنراوەتەوە
پاریس سانجێرمان تووشبوونی یاریزانێکی گرنگی یانەکەی بە کۆڕۆنا ڕاگەیاند
پەیام سپۆڕت
یانەی پاریس
سانجێرمانی فەڕەنسی تووشبوونی مۆیس کینی ئیتاڵی و هێرشبەری یانەکەی بە ڤایرۆسی
کۆڕۆنا ڕاگەیاند.
لە ماڵپەری تایبەت
بە خۆی یانەی پاریس سانجێرمان ڕایگەیاند، لە میانی پشکنینی ڕۆتینەی یاریزانەکانی
کە ڕۆژانە تایبەتە بە ڤایرۆسی کۆڕۆنا ئەنجام دەدرێت، دەرکەوتووە مۆیس کین هەڵگری
ڤایرۆسەکەیە و ئەنجامی پشکنینەکەی بە پۆزەتیڤ هاتۆتەوە.
یانە فەڕەنسییەکە
ئاماژەی بەوەشکردووە، مۆیس کین تا ساتی تێپەڕاندنی ڤایرۆسەکە لە ماڵەوە خۆی
کەرەنتینە دەکات و بەشداری یارییەکان ناکات.
مۆیس کین لەم
وەرزەدا بەشداری 31 یاری پاریس سانجێرمان لەسەرجەم
پاڵەوانێتییەکاندا کردووە و 17 گۆڵی بۆ ئەو یانەیەی پایتەخت
تۆمار کردووە، لەگەڵ دروستکردنی تاکە گۆڵێک.
تووشبوونی مۆیس کین
لە کاتێکدایە یانەکەی لە ١٠ی ئەم مانگە چوارشەممەی داهاتوو لە میانی یاری
گەڕانەوەی قۆناغی ١٦ی یانە پاڵەوانەکان میوانداری لە یانەی بەرشەلۆنە دەکات.
لە تۆڕە کۆمەڵایەتیەکان شەیری بکە