گواردیۆلا وەڵام دەداتەوە، نازناوی خولی ئینگلیزی یەکلایبۆتەوە؟

پەیام سپۆڕت

پێپ گواردیۆلا ڕەتیدەكاتەوە كە نازناوی ئەم وەرزەی پرێمەرلیگیان یەكلا كردبێتەوە و دەشڵێت كاتی باسكردنی ڕیكۆردەكان نییە.

 پیپ گواردیۆلای ئیسپانی و ڕاهێنەری یانەی مانچستەر سیتی پاش بردنەوە گەورەكەیان بەرانبەر بە یانەی وڵڤەرهامبتۆن بە چوار گۆڵ بەرانبەر بە گۆڵێك بۆ كەناڵی بی تی سپۆرتی ئینگلیزی وتی: ئێمە ئەمڕۆ زۆۆر باش بووین، دوای یەكسانكردنەوەی ئەنجامەكە ئازارمان چەشت، بەڵام لە كۆتایدا چەندین هەلی  ۆڵكردنمان ڕەخساند.

گواردیۆلا وتوشیەتی: لە دوای یەكسانكردنەوەكە كاردانەوەیەكی باشمان نیشاندا و بە سەركەوتنی شایستە گەشتین و یارییەكی باشمان ئەنجام دام ڕكابەریەكانی خولی نایابی ئینگلیزی سەخت و دژوارە و لە كۆتا خولەكەكانی كۆتایدا لە هەموو یارییەكاندا دەبەینەوە و سەركەوتن بەدەست دەهێنین.

گواردیۆلا سەبارەت بە 21ـەم بردنەوەی لەسەر یەك و تۆماركردنی ڕیكۆردەكان ئاماژەی بەوەكرد: ئێمە یاری مانچستەر یونایتد لە ڕیكۆردەكان لە پێشتر دەزانم، تەواوی ئەوەی كە ئێستا بۆ ئێمە گرنگە یارییەكەی مانچستەر یونایتدە، 33 خاڵ لە یاریگاكان ماوە، مانچشتەر یونایتد سبەینێ یاری دەكات، ئێمە ڕۆژێك یان دو رۆژمان وەك پشوو لە پێشە و دواتر بۆ ڕووبەڕووبوونەوەی یونایتد لە یاریگای خۆمان ئامادە دەبین.

گواردیۆلا لەسەر یانەكەی كڵۆپ وتی: لیڤەرپووڵ پاڵەوانی وەرزی رابردووە و هێشتا مەیلی بۆ نازناوەكە ماوە، ئێمە ئێستا لە دۆخێكی باشداین و هەوڵ دەدەین كە جێگەی ئەوان بگرینەوە، بەڵام تا ئێستا ئەوان نازناوی پاڵەوانی پرێمرلیگیان هەڵگرتووە.

گواردیۆلا ئەوەشی وت: ئێمە لە ئایندە لەسەر ڕیكۆردەكانمان قسە دەكەین و لەوانەیە لە زستاندا یان لە مانگی 11 و 12 من خودی خۆم زیاتر شانازی بە ئامار و ڕیكۆردەكانەوە بكەم.