02/03/2021
275 جار خوێنراوەتەوە
نێمار گەڕایەوە
پەیام سپۆڕت
پەیام سپۆڕت
نەیماڕ داسیلڤا ڕاهێنانە تاکەکەسییەکانی دەست
پێکردەوە و یانەی پاریس سانجێرمانیش دوایین بەرەو پێشچوونەکانی پێکانەکەی ئاشکرا دەکات.
یانەی پاریس سانجێرمان لە ماڵپەڕی فەڕمی خۆی
بڵاویکردەوە کە نەیماڕ لە ڕاهێنانە تاکەکەسییەکانی خۆی بە تۆپ و هەوڵەکانی بۆ گەڕاندنەوەی
توانا جەستەییەکانی بەردەوامە.
یانەکەی پایتەختی فەڕەنسا ئاماژەی بەوەشکردووە،
دۆخی نەیماڕ بۆ پەیوەندیکردن بە ڕاهێنانە بە کۆمەڵەکانی یانەکەی لە کۆتایی ئەم هەفتەدا
بە دیار دەکەوێت و بڕیاری لەسەر دەدرێت.
لە 10ی ئەم مانگەدا و بەر لە یاری یانەکەی
بەرانبەر بەرشەلۆنە لە یارییەکانی چوونی قۆناغی 16ی خولی یانە پاڵەوانەکانی ئەوروپا
نەیمار داسیلڤای بەڕازیلی و هێرشبەری یانەی پاریس سانجێرمانی فەڕەنسی لە یاری یانەکەی
بەرانبەر بە کان لە جامی فەڕەنسا لە ماسولکەکانی ڕانی چەپیدا تووشی پێکان هات، بەڵام
یانەکەی توانی یارییەکە بە چوار گۆڵ بەرانبەر بە گۆڵێک لە نێو کامپنۆ بە کۆتایی بێنێت.
بڕیاریش وایە لە 10ی ئەم مانگەدا و لە فەڕەنسا
یاری گەڕانەوە لە نێوان پاریس و بەرشەلۆنە بەڕێوەبچێت، کە نەیماڕ هەموو هەوڵێکی بۆ
بەشداریکردن لەو یارییە بەرانبەر بە یانەی پێشووی خستووەتە گەڕ.
لە تۆڕە کۆمەڵایەتیەکان شەیری بکە