زیدان: شایستەی زیاتر بووین

پەیام سپۆڕت

زەینەدین زیدانی ڕاهێنەری یانەی ڕیاڵ مەدرید پێیوایە بەرانبەر یانەی ڕیاڵ سۆسیداد شایستەی بردنەوە بوون و دەکرا زیاتر لە خاڵێک بەدەست بهێنن.

 لە پاش یەکسانبوونیان بەرانبەر سۆسیداد لە لێدوانێکدا بۆ میدیاکان زیدان وتی: یارییەکی ئاست بەرزمان پێشکەش کرد، بەڵام لەسەر یاریگای خۆمان دوو خاڵی گرنگمان لەدەست دا و ئەوەش بەهۆی ئەوەی یانەی بەرانبەرمان ئاستی زۆر باش بوو.

لە درێژەی قسەکانیدا ڕاهێنەرەکەی یانەی شاهانە دەڵێت، ئێمە شایستەی خاڵێک زیاتر بووین بەتایبەتی لە ڕەخساندنی دەرفەتی گۆڵ تۆمار کردن باشتر بووین، ئەگەر گێمی یەکەم گۆڵمان تۆمار بکردایە یارییەکە بۆ ئاقارێکی دیکەدا دەگۆڕا، ئێمە دەمانوسیت بردنەوەی پێنجەمی لەسەر یەک تۆمار بکەین، بەڵام ئیستا پێویستە لەسەرمان بەردەوام بین و خولەکە زۆری ماوە و ڕێگا دوور و درێژە.

لە کۆتایشدا زیدان باسی لەوەکرد، هەموو یانەکانی لالیگا لەم ورەزەدا خاڵ لەدەست دەدەن، پێویستە لەسەریان خاڵەکانیان زیاد بکەن، خاڵێکی زۆر لە بەردەمیاندا ماوە.