01/03/2021
452 جار خوێنراوەتەوە
كێشەی ئاوی فورات لەنێوان عێراق – توركیا، بەرەو چارەسەر هەنگاو دەنێت
پەیام
وەزارەتی سەرچاوە ئاوییەكانی عێراق ڕایگەیاند سەرۆككۆماری
توركیا پشتیوانیی چارەسەری هەمیشەیی دۆسیەی ئاوی نێوان وڵاتەكەی و عێراق دەكات.
عون زیابی وتەبێژی وەزارەتی سەرچاوە ئاوییەكان
تەئكیدیشی لەوە كردووەتەوە كە لایەنی توركی پێشنیازەكانی خۆیان لە بارەی پشكی ئاویی
لە ڕووباری فورات خستووەتە ڕوو، بە تایبەت خواستی ڕەجەب تەیب ئۆردۆگان بۆ ئەو پرسە،
كە هەمان خواستی وەزارەتە عێراقیەكەشە.
هەرچەندە ئەو وتەبێژە وردەكاریی خواستەكانی نەخستووەتە
ڕوو، بەڵام جەختی لەوە كردووەتەوە ئێمەش ئەو پێشنیازانەمان هەیە و لە هەوڵداین بۆ
بەردەوامبوونی گفتوگۆكان و هاوكاریی دوولایەنە بۆ چارەسەری ڕاستەقینە.
زیاب لە بارەی ڕێكەوتنی پێشترەوە ئاماژەی بەوە
داوە كە لایەنی توركیا ڕێگە بە هاتنی ئاو دەدەن لە سنوری توركیا و سووریاوە بە 500
مەتر چوارگۆشەی ئاو بۆ هەر چركەیەك، لەو ڕێژەیەش 58%ی بۆ عێراق و 42% بۆ سووریایە،
بەوەش لە سنووری عێراق سووریاوە 290 مەتر چوارگۆشە ئاو لە هەر چركەیەكدا دێتە عێراقەوە.
لە تۆڕە کۆمەڵایەتیەکان شەیری بکە