23/02/2021
487 جار خوێنراوەتەوە
خامنەیی: پاشەکشێ لە بەرنامەی ئەتۆمی ناکەین
پهیام
رابەری ئایینی ئێران، عەلی خامنەیی جەختی لەوە کردەوە کە پاشەکشێ لە بەرنامەی ئەتۆمی ناکەن و تا پیتاندنی یۆرانیۆم بە رێژەی سەدا ٦٠ بەردەوام دەبن.
عەلی خامنەیی رابەری ئایینی ئێران، جەختی لەوە کردەوە کە توانای ئەتۆمی ئێران بەپێی پێویستی زیاد دەکات و وتی: "هیچ پاشەکشێیەک لە بەرنامەی ئەتۆمی ناکەین و تا پیتاندنی یۆرانیۆم بە رێژەی سەدا ٦٠ بەردەوام دەبین".
عەلی خامنەیی، راگەیەندراوەکانی ئەمریکا، بەریتانیا، فەڕەنسا و ئەڵمانیا-ی دەربارەی ئێران بە "راگەیەندراوی خۆبەزلزانانە و بێویژدانانە وەسف کرد و وتی: "وڵاتانی رۆژئاوا، زۆر باش دەزانن کە ئێمە لە هەوڵی بەدەستهێنانی چەکی ئەتۆمیدا نین. هەر بۆیە چەکی ئەتۆمی تەنها بیانووێکە، ئەوان تەنانەت دژی ئەوەشن کە ئێمە ببینە خاوەنی چەکی ئاسایی، چونکە نایەنەوێت ئێران بەهێز ببێت".
لە تۆڕە کۆمەڵایەتیەکان شەیری بکە