23/02/2021
364 جار خوێنراوەتەوە
يەكێتیى ئەورووپا بڕياریدا سزاى نوێ بهسەر رووسيادا بسهپێنێت
پهیام
وەزیرانی دەرەوەی وڵاتانی یەکێتیی ئەورووپا، بەھۆی دەستگیرکردنی سەرکردەی ئۆپۆزیسیۆنی رووسی ئالێکسی ناڤاڵنی-یهوە بڕیاری سەپاندنی سزایان بەسەر رووسیادا، دەرکرد.
نوێنەری باڵای پەیوەندییەکانی دەرەوە و سیاسەتی ئاسایشی یەکێتیی ئەورووپا، جۆزێپ بۆرێل، لە کۆتایی کۆبوونەوەکانی وەزیرانی دەرەوەی یەکێتیی ئەورووپا پهیامێكی پێشکەشکرد.
جۆزێپ بۆرێل ئاماژەی بەوەکرد کە رووسیا دۆخی خۆسەپاندنی پهیڕهو دهكات و لە یەکێتیی ئەورووپا دوورکەوتووەتەوە و رایگهیاند: "پەیوەست بە دۆخی ناڤاڵنی، بریارێکی سیاسیمان لە بابەتی جێبەجێکردنی رێکاری سنوورداركردن لە بەرامبەر رووسیا دژی ئهو کەسانهی کە بەرپرسن لە دەستگیرکردن و سزادانی ناوبراو، دهركردووه".
بۆرێل ئاشکرایکرد ئەوان بە سەپاندنی ئەو رێکارانە، بۆ یەکەم جار سستمی جیھانیی سزادانی مافەکانی مرۆڤ کە لە کانوونی یەکەمی ساڵی ٢٠٢٠دا دهستیپێكراوه، جێبەجێدەکەن.
ئاماژەی بەوەشکرد کە ماوەی ئامادەکردنی سزاکان لەمڕۆوە دەستیپێکردووە، پێشنیازی کرداریی پێشكهشكراون و چاوەڕوانی ئەوەدەکەن له ماوهی ههفتهیهكدا سزاکان ئامادەبکرێن.
نوێنەری باڵای پەیوەندییەکانی دەرەوە و سیاسەتی ئاسایشی یەکێتیی ئەورووپا، جۆزێپ بۆرێل، جەختی لە بەردەوامی پاڵپشتییان بۆ مافە سیاسی و مەدەنییەکان و بەرگریکردن لە ئازادییەکان لە رووسيا کردەوە و رایگهیاند: "لە ھەمان کاتدا، ناچارین چوارچێوەیەکی کاتی بە شێوەیەکی ھەمیشەیی لە بابەتی رووبەرووبوونەوە لەگەڵ دراوسێیەک کە بە داخەوە ھەڵوێستێکی دوژمنانەی گرتووتەبەر، دیاریبکەین. بهڵام لە ئێستادا راستییەکە ئەمەیە".
لە تۆڕە کۆمەڵایەتیەکان شەیری بکە