05/02/2021
1120 جار خوێنراوەتەوە
بهوێنه.. تا ئێستا دۆشینی ماسیت بیستووه؟
پهیام
ماسییش دەدۆشرێت، بەڵام بۆ دەستخستنی هێلكەكانی نەك شیر.
لە كێڵگەیەكی بەخێوكردنی ماسی سەلەمۆن لە باكووری كوردستان، ماسییەكان بۆ دەرهێنانی هێڵكەكانیان دەدۆشن.
كێڵگەكە دەكەوێتە بناری چیای شەرافەددینی شارۆچكەی ڤارتۆی سەر بە پارێزگای مووش و، دوو هەزار و 100 مەتر لە ئاستی ڕووی دەریاوە بەرزە.
لەو كێڵگەیەدا كە لەسەر سەرچاوەی ئاوی سروشتی ناوچەكە درووست كراوە، نێر و مێی ماسییە پێگەیشتووەكان لە یەكتری جیادەكرێنەوە و لە كاتی دۆشینیشیاندا دەخرێنە حەوزی جیاوازەوە.
لە دوای دۆشینی ماسییەكان بۆ دەستخستنی هێلكەكانیان و ئەنجامدانی كاری پێویست، هێلكەكان دەخرێنە ئامێری هەڵهێنانەوە و 45 رۆژ دەهێڵرێنەوە. پاشان ئەو بێچووە ماسییانە دەخرێنە حەوزی بچووكەوە و بەخێو دەكرێن.
خاوەنی كێڵگەكە دەڵێت، ئامانجیانە لە نۆ هەزار ماسیی سەلەمۆنی دایكە، نۆ ملیۆن بێچووە ماسی دەستبخەن.
ئاماژە بەوەش دەكات كە لە سایەی سەرچاوەكانی ئاو لە ناوچەكە، جۆری ماسیی باش بەرهەم دەهێنن و، كێڵگەكەیان توانای بەرهەمهێنانی 37 ملیۆن ماسیی سەلەمۆنی هەیە و لە سەرانسەری توركیاشدا لە ریزبەندیی دەهەمیندایە.
لە تۆڕە کۆمەڵایەتیەکان شەیری بکە