28/01/2021
319 جار خوێنراوەتەوە
پیرلۆ پەیامێکی توند بۆ ئینتەرمیلان دەنێرێت
پەیام سپۆڕت
ئاندریا پیرلۆی ڕهێنەری یانەی یۆڤانتۆسی ئیتاڵی بردنەوەی
نازناوی جامی ئیتاڵی بۆ یانەکەی بە یەکێک لە ئامانجەکانی یانەکەی وەسف دەکات و
هاوکات بە ڕووبەڕووبوونەوەی یانەی ئینتەرمیلانیش دڵخۆشە.
لە پاش بردنەوەیان لە یانەی سپاڵ لە لێدوانێکدا پیرلۆ
وتی: لە جامی ئیتاڵی ئامانجی ئێمە بردنەوەی نازناوەکەیە و دڵخۆشم بەوەی لە قۆناغی
نیوەی کۆتایی ڕووبەڕووی ئینتەرمیلان دەبینەوە و هەفتەی داهاتوو بۆ ئەو یارییە
ئامادە دەبین.
کۆتایی قسەکانی پیرلۆ تایبەت بوو بوفۆنی گۆڵچی یانەکەی و
ئاماژەی بەوە کرد، هیوای خواست ئەو گۆڵچییە تەمەن ٤٢ ساڵە بۆ وەرزی داهاتووش
لەگەڵیان بەردەوام بێت و وتیشی: بوفۆن لە دۆخێکی باشدایە و هەموو ڕۆژێک
دەیسەلمێنێت کە دەتوانێت یاری تۆپی پێ ئەنجام بدات، زۆر دڵخۆش دەبن ئەگەر بۆ وەرزی
داهاتوو لەگەڵیان بەردەوام بێت.
لە تۆڕە کۆمەڵایەتیەکان شەیری بکە