یاریزانێکی ڕیاڵ مەدرید بەرەو خولی ئینگلیزی هەنگاو دەنێت

پەیام سپۆڕت

مارتن ئۆدیگاردی نەرویجی و یاریزانی لاوی یانەی ڕیاڵ مەدریدی ئیسپانی بەرەو خولی نایابی ئینگلیزی هەنگاو دەنێت.

فابریزیۆ ڕۆمانۆی ڕۆژنامەنووسی بەناوبانگ و شارەزا لە مێرکاتۆ ئاشکرای دەکات، مارتن ئۆدیگارد گرێبەستی ئەرسیناڵی بەسەر ڕیاڵ سۆسیداد هەڵبژاردووە و یاریزانەکە دەیەوێت بە خوستن و تا کۆتایی ئەم وەرزە پەیوەندی بە تۆپچییەکانی لەندەنەوە دەکات، ئەمەش پاش ئەوەی خودی میکێل ئارتێتای ڕاهێنەر گفتوگۆی لەگەڵ یاریزانەکە کرد بوو.

ڕۆژنامەنووسەکە ئەوەشی خستۆتە ڕوو، لە ئێستادا هەردوو یانەی ڕیاڵ مەدرید و ئەرسیناڵ لە گفتوگۆی کۆتاییدان و دەیانەوێت سەبارەت بەو یاریزانە بگەنە ڕێککەوتنی کۆتایی، یانەی شاهانە لە بەرانبەر ئەم شەش مانگەدا داوای پارەیەکی کەمی کردووە.