مارکا چارەنووسی زیدان لەگەڵ ڕیاڵ مەدرید ئاشکرا دەکات

پەیام سپۆرت

یانەی ڕیاڵ مەدریدی ئیسپانی چارەنووسی زەینەدین زیدانی فەڕەنسی و  ڕاهێنەری یانەکە یەکلایکردۆتەوە.

ڕۆژنامەی مارکای نزیک لە یانەی شاهانە ئاشکرای دەکات، بەرپرسانی یانەی ڕیاڵ مەدرید ڕەتیانکردۆتەوە لە ئێستا گفتوگۆی لە بارەی دوورخستنەوەی زیدانی ڕاهێنەرەوە بکەن، ئەمەش پاش ئەوەی دەنگۆی ڕۆیشتنی ئەو ڕاهێنەرە لە یانەی ڕیاڵ مەدریدی تا دێت زیاتر دەبێت، بەهۆی کرانە دەرەوەی یانەکە لە جامی شای ئیسپانی لە قۆناغی 32ی  جامەکە لەسەر دەستی یانەیەکی پلەی سێ.

سەرچاوەکە ئەوەشی ئاشکرا کردووە، کارگێڕی ڕیاڵ مەدرید لەگەڵ سەرۆکی یانەکە هاوڕان لەسەر ئەوەی تا کۆتایی وەرز چاوەڕوانی بکەن تا ئەوەی بزانن زیدان لە خولی ئیسپانی و چامپیۆنسلیگ چ ئەنجامێکی دەبێت و دواتر بڕیار لەسەر داهاتووی ئەو ڕاهێنەرە بدەن.

ڕۆژنامەی مارکا باس لەوەش دەکات، بەرپرسانی یانەی شاهانە بە ڕاشکاوانە داوایان لە زیدان کردووە گۆڕانکاری لە پلان و پێکهاتەیدا ئەنجام بدات تا ئەوەی دۆخی یانەکە بەرەو خراپتر نەچێت.