15/01/2021
421 جار خوێنراوەتەوە
ئهمریكا ڕهتیكردهوه پاشگهزبێتهوه له ناساندنی حووسییهكانی یهمهن وهك ڕێكخراوی تیرۆرستی
پهیام
ئەمریكا داوایەكی نەتەوەیەكگرتووەكانی بۆ پاشگەزبوونەوە لە ناساندنی حوسییەكانی یەمەنی وەك ڕێكخراوی تیرۆریستی، ڕەت كردەوە.
ئەمریكا لەسەر زاری (ڕیچارد میڵس)، جێگری نوێنەری وڵاتەكەی لە نەتەوەیەكگرتووەكان بەفەڕمی داوایەكی نەتەوەیەكگرتووەكانی بۆ پاشگەزبوونەوەی لە پۆڵێنكردنی كۆمەڵەی "ئەنساڕوڵڵا"ی یەمەنی، وەك ڕێكخراوی تیرۆریستی ڕەت كردەوە.
لەوبارەوە، (ڕیچارد میڵس) ڕایگەیاند: واشنتۆن پابەندە بە بڕیارەكەی خۆی و ڕێوشوێنێكیش بۆ سووككردنی كاریگەرییەكەی لەسەر ڕەوشی مرۆیی لە یەمەن، دادەنێت.
ئەو وتیشی: ئەمریكا ڕێكارەكانی ئاسانكردنی گەیشتنی هاویكارییە مرۆییەكان و هاوردە بازرگانییەكان بۆ یەمەن، دەگرێتە بەر.
ڕۆژی ڕابردوو، بەرپرسانی نەتەوەیەكگرتووەكان داوایان لە ئەمریكا كرد، لە بڕیاری پۆڵێنكردنی ناساندی حوسییەكانی یەمەن وەك ڕێكخراوێكی تیرۆریستی پاشگەز بێتەوە.
نەتەوەیەكگرتووەكان پاساوی داواكەی بەوە هێنایەوە كە لەوانەیە ئەو بڕیارە بێبێتە مایەی دروستبوونی مەترسی لەسەر ڕەوشی مرۆیی و سەرهەڵدانی برسێتییەكی بێوێنە لە یەمەن.
لە تۆڕە کۆمەڵایەتیەکان شەیری بکە