12/01/2021
432 جار خوێنراوەتەوە
پاریس سانجێرمان گفتوگۆی نوێکردنەوەی گرێبەستی ئەستێرەیەکی یانەکەی دەست پێدەکات
پەیام سپۆڕت
یانەی پاریس
سانجێرمانی فەڕەنسی مەبەستێتی پارێزگاری لە تواناکانی نێمار دا سیلڤای بەڕازیلی و
هێرشبەری یانەکەی بکات.
گرێبەستی نێمار
هاوینی 2022 لەگەڵ یانە پاریسییەکە کۆتایی
دێت، هاوینی 2019ش یاریزانەکە نزیکبوو لەوەی بۆ یانەی
بەرشەلۆنە بگەڕێتەوە، بەڵام لیوناردۆی بەڕێوەبەری وەرزشی پاریس سانجێرمان ڕێگری
لەو گواستنەوەیە کرد.
لەم بارەیە
ڕۆژنامەی موندۆ دیپۆرتیڤۆی کەتەلۆنی هەواڵێکی بڵاوکردۆتەوە و ئاشکرای دەکات، لە
ئێستا پەیوەندی نێوان نێمار و لیوناردۆی بەڕێوەبەری وەرزشی یانە فەڕەنسییەکە لە
ئاستێکی زۆر باشدایە، لە چەند ڕۆژی داهاتووشدا کارگێری پاریس سانجێرمان بە
سەرۆکایەتی لیوناردۆ گرێبەستێکی نوێ بە مەبەستی درێژکردنەوەی بوندی نێوانیان
پێشکەش بە نێمار و بریکارەکەی دەکەن و گفتوگۆکانیان لەم بارەیەوە دەست پێ دەکەن.
سەرچاوەکە پێشبینیش
دەکات، نێمار گرێبەستەکەی لەگەڵ پاریس سانجێرمان نوێ دەکاتەوە.
لە تۆڕە کۆمەڵایەتیەکان شەیری بکە