رەنگی سەوز لە گۆشتی مریشک دا زەرەری هەیە؟

هەمیشە ژنان لە ماڵەوە توشی حاڵەتێک دەبن، کە دەبێتە هۆی سەرسوڕمانیان بە بینی رەنگی سەوز لە گۆشتی مریشکدا بە تایبەتی لە ناوچەی سنگدا، کەواتە هۆکاری دەرکەوتنی ئەم ڕەنگە سەوزە چییە؟

هۆکاری دەرکەوتنی ئەم رەنگە سەوزە دەگەڕێتەوە بۆ نەخۆشی سەوزبوونی ماسولکەکانی مریشک (deep pectoral myopathy _green muscle disease)
ئەم نەخۆشییە لەو مریشکانەدا دەردەکەوێت کە کێشی لەشیان لە ٣ کگم زۆرتر بێت، لە ئەنجامی ئەم کێشە زۆرەدا بە ناچاری پاڵ دەداتەوە و ناتوانێت بە پێوە بوەستێت، ئەمەش دەبێتە هۆی گەیشتنی ئۆکسجین بە بڕێکی زۆر کەم، وە نەگەیشتنی بە هیچ شێوەیەک بۆ ئەم ناوچەیە کە دەبێتە هۆی تێکچوون و مردنی خانەکانی ناو ماسولکە شانەکان تا سەوزبوونی رەنگەکەی.

لە بەرئەوە ئاگاداربن، ئەو بەشە سەوزەی گۆشتەکە لێ بکەنەوە، وە هەموو بەشەکانی تری گۆشتی مریشکەکە نۆش بکەن و شیاوە بۆ خواردن..

د. بێستون ئەبو بەکر جەعفەر ـ پزیشکی ڤێتێرنەری ـ سیدسادق