16/12/2020 139 جار خوێنراوەتەوە

دۆڵوجا...مێرگێكی تری نیشتیمان

په‌یام

گوندى دۆڵوجاى خواروو لە شارۆچكەى نازميە لە شارى دێرسمی باكوری كوردستان، كە بە جوانى مێژوويى و سروشتى ناسراوە، لە هەر وەرزێكدا بە سروشتێكى جياواز سەردانكاران بۆخۆى رادەكێشێت.

نازميە، كە يەكێكە لەو شارۆچكانەى كە خاوەنى بەرزترين ئاستە لە رووى دەرياوە، بە تاڤگەكان و ژيانى كێوى و بيناسازى دێرين كە خانووەكانى گوندى لێدروستكراوە جوانييەك پێشكەش دەكات كە شايەنى بينينە.

گوندى دۆڵوجا، كە نزيكەى ١٦ كيلۆمەتر لە ناوەندى شارۆچكەكەوە دوورە و بە كانياوە گەرمەكانى ناسراوە، لە ئێستادا لە كۆتا رۆژەكانى پايزدايە.

گوندەكە كە زۆر بەكەمى بەفرى لێدەبارێت و لە رووى ژيانى كێويدا خاوەن گرنگييەكى گەورەيە و نيشتيمانى ئاژەڵى كێوى دەگمەنى وەكو بزنى كێوى و وشەق، جگە لەوە بەهۆى وشكبوونى كەنارى بەنداوى پەمبەليك ژمارەيەك زۆر لە باڵندەى كۆچەرى وەكو حاجى لەقلەق، مراوى، ماسيگرە و فلامينگۆ لێى دەژين.

دوورگەى كەر، لە گوندەكە بە شێوەيەكى گشتى لە پێش رۆژهەڵاتن يان لە كاتى نيوەڕۆدا ئەو رەنگدانەوانەى كە لە دەرياچەى بەنداوەكە دەدات، دەبێتە جێگەى سەرنجى سروشت دۆست و فۆتۆگرافەران.

مەحموود بۆزتاش، كە يەكێكە لە دانيشتوانى گوندەكە، بە پەيامنێرى ئاژانسى ئانادۆڵوى راگەياند كە گوندەكە هەر وەرز جوانييەكى جياوازى هەيە.

بۆزتاش، ئاماژەى بەوەش كرد كە گوندەكە لە رووى ژيانى كێويدا خاوەنى شوێنێكى تايبەتە و گوتى، "ئەم گوندە، شوێنى حەوانەوە بۆ ورچ، بزنە كێوى، گورگ، وەشەق و چەندين جۆر ئاژەڵى كێوى دابيندەكات. جگە لەوە بەهۆى وشكبوونى كەنارى بەنداوى گوندەكە زوو زوو دەبێتە نيشتيمانى باڵندە كۆچەرييەكانى وەكو فلامينگۆ، ماسيگرە، حاجى لەقلەق، مراوى كێوى و چەندين جۆر باڵندەى ديكە"

 

لە تۆڕە کۆمەڵایەتیەکان شەیری بکە

  • 16/12/2020

    دۆڵوجا...مێرگێكی تری نیشتیمان

  • 03/12/2020

    خۆپیشاندانی شاری سلێمانی

  • 19/11/2020

    دیمه‌نه‌كانی دووه‌مین پێشانگای نێوده‌وڵه‌تی كتێب له‌ سلێمانی

  • 04/11/2020

    یەکەم بارانی ئه‌مساڵ لە مەککەی پیرۆز

  • 30/10/2020

    گه‌وره‌ترین مزگه‌وتی ئه‌فریقا و سێیه‌م گه‌وره‌ترینی جیهان له‌ جه‌زائیر كرایه‌وه‌

  • 29/10/2020

    هه‌ولێر.. وێڕای رێوشوێنه‌ تونده‌كان؛ مسوڵمانان یادی مه‌ولوود ده‌كه‌نه‌وه‌

  • 09/10/2020

    لە هەڵەبجە سێهه‌مین فیستیڤاڵی هەنار بەڕێوەچوو

  • 08/10/2020

    بارینی یەکەم بەفری وەرز لە پارێزگای وان

سەرەتا