01/12/2020
464 جار خوێنراوەتەوە
پهڕلهمانتاره ناڕازییهكانی پهڕلهمانی كوردستان هۆشداری به سهرۆكایهتی پهڕلهمان دهدهن
پهیام
پهڕلهمانتاره ناڕازییهكانی پهڕلهمانی كوردستان راگهیهنراوێك لهسهر دواخستنی دانیشتنی سبهی پهڕلهمانی كوردستان بڵاودهكهنهوهو رایدهگهیهنن، ناكرێت پهڕلهمانی كوردستان خهمسارد بێت له بهستنی دانیشتنی پهڕلهمانی بۆ چارهسهركردنی پرسی موچهی موچهخۆرانی كوردستان.
گەیاندراوێک لە پەرلەمانتارە ناڕازییەکانی کورستان-ەوە
ئێمەی ئەندامانی ناڕازیی لە پەرلەمانی کوردستان، کە لە دانیشتنەکەی رۆژی ٣٠/ ١١/ ٢٠٢٠دا، هەڵوێستمان دەربڕیی و پێداگریمان کرد لەسەر بانگێشتکردنی حکومەت بۆ پەرلەمان و چارەسەرکردنی کێشەی موچەخۆرانی هەرێمی کوردستان، دژی بڕیاری هەڵوەشاندنەوەی کۆبونەوەکەی سبەینێی پەرلەمان-ین، کە دەبو حکومەت بهێنرێتە پەرلەمان و پرسی چارەسەرکردنی موچە و ناکۆکیی هەرێم و بەغداد لەسەر نەوت و داهاتی خاڵە سنورییەکان یەکلابکرانایەتەوە، بۆ ئەوەی چیتر هاونیشتمانیان و موچەخۆران نەکرێنە قوربانیی سیاسەتی چەوتی حکومەتی هەرێم.
ئێمەی ناڕازیی لە پەرلەمان، بەڵێن بە خەڵکی جوامێری کورستان دەدەین کە سورین لەسەر هەڵوێستەکانمان و داکۆکیکردن لە مافە رەواکانیان و هۆشداریش دەدەینە دەستەی سەرۆکایەتیی پەرلەمان، کە ناکرێت چیتر خەمساردبێت لە ئەنجامدانی دانیشتنی پەرلەمان بۆ چارەسەرکردنی پرسی موچە و تەرخانکردنی دانیشتنەکانی پەرلەمان بۆ بابەتی لابەلا، بە پێچەوانەوە هەمو رێگایەکی یاسایی و ناڕەزایی پەرلەمانیی و مەدەنیی دەگرینە بەر و بۆ داهاتویش، هەمو ئەگەرەکان لەبەردەممان دا کراوە دەبن.
پەرلەمانتارانی ناڕازیی لە پەرلەمانی کوردستان
١/ ١٢/ ٢٠٢٠
لە تۆڕە کۆمەڵایەتیەکان شەیری بکە