29/11/2020
393 جار خوێنراوەتەوە
لاوتارۆ بۆ گەیشتن بە بەرشەلۆنە ڕێگایەکی دیکە تاقیدەکاتەوە
پەیام سپۆڕت - بڕیار تەها
لاوتارۆ مارتینێزی
هێرشبەری یانەی ئینتەرمیلانی ئیتاڵی بۆ گەیشتن بە خەونەکەی و پۆشینی درێسی یانەی
بەرشەلۆنەی ئیسپانی ڕێگایەکی دیکە تاقیدەکاتەوە.
ڕۆژنامەی سپۆڕتی
کەتەلۆنی ئاشکرای دەکات، لاوتارۆ مارینێزی ئەرجەنتینی ڕیزەکانی ئینتەرمیلان
جێدەهێڵێت، ئەگەر ئەو یانە ئیتاڵییە لە گرێبەستە نوێیەکەدا مووچەیەکی بەرزتری بۆ
پێشنیار نەکەن.
سەرچاوەکە ئاماژە
بەوەش دەکات، لاوتارۆ بیری لەوە کردۆتەوە بۆ جێهێشتنی نێرازۆری و پەیوەندیکردن بە
بەرشەلۆنەوە سوود لە خۆرخێ مێنیدزی بریکاری یاریزانەکان وەربگرێت و لە ڕێگەی ئەو
بریکارە پۆرتوگالییەوە بە خەونەکەی بگات کە یاریکردنە بۆ یانە کەتەلۆنییەکە.
گرێبەستی لاوتارۆ
مارتینێز هاوینی 2023 لەگەڵ یانەی ئینتەرمیلان
کۆتایی دێت و لە دوو مێرکاتۆی ڕابردوودا یانەی بەرشەلۆنە بە جددی گفتوگۆی
گواستنەوەی ئەو یاریزانەی دەکرد.
لە تۆڕە کۆمەڵایەتیەکان شەیری بکە