پێش 2 هەفتە
206 جار خوێنراوەتەوە
ئه‌نجومه‌نی سیاسی كۆمه‌ڵ له‌گه‌ڵ فڕاكسیۆنی كۆمه‌ڵ و لیژنه‌ی ئاماده‌كاری كۆنگره‌دا به جیا كۆبووه‌وه
په‌یام
ئەنجومەنی سیاسی كۆمەڵی ئیسلامیی كوردستان له دوو سه‌ردانی جیادا لەگەڵ فڕاكسیۆنی كۆمەڵی ئیسلامی لە پەرلەمانی كوردستان و لیژنەی باڵای ئامادەكاری كۆنگرەی چوارەمی كۆمەڵی ئیسلامیی كۆبوەوە.
لە كۆبونەوه‌ی له‌گه‌ڵ فڕاكسیۆنی كۆمەڵی ئیسلامی لە پەرلەمانی كوردستان، ئەنجومەنی سیاسی سوپاس و پێزانینی لە ئاست كار و چالاكیەكانی فراكسیۆنی كۆمەڵ لەناو پەرلەمانی كوردستان دەربڕی و داوای لێ كردن لەسەر كارەكانی خۆیان بۆ خزمەتكردنی داواكاری و پێداویستیی و مافی هاوڵاتیانی هەرێمی كوردستان بەردەوام بن.
لەبەرامبەردا سەرۆك و ئەندامانی فراكسیۆنی كۆمەڵی ئیسلامیی لە پەرلەمانی كوردستان سوپاس و پێزانینی خۆیان بۆ پشتگیری و پشتیوانی بەردەوامی ئەمیر و ئەنجومەنی سیاسی و سەركردایەتی كۆمەڵی ئیسلامیی دەربڕی.
لەبەشێكی كۆبونەوەكەدا بەرنامەی كاری پرۆژەكانی داهاتوی فراكسیۆنی كۆمەڵ گفتوگۆی لەسەر كرا.
له لایه‌كی دیكه‌وه ئەنجومەنی سیاسی كۆمەڵی ئیسلامیی كوردستان لەگەڵ لیژنەی باڵای ئامادەكاری كۆنگرەی چوارەمی كۆمەڵی ئیسلامیی كۆبوەوە.
لە سەرەتای كۆبونەوەكەدا ئەنجومەنی سیاسی سوپاس و پێزانینی بۆ ئەرك و ماندوبونی لیژنەكە دەربری پاش بەڕێوەبردنی كۆنفرانسە ناوچەییەكان.
لە بەشێكی كۆبونەوەكەدا تاوتوێی راپۆرتی لیژنەی باڵای ئامادەكاری كۆنگرەی چوارەمی كۆمەڵ كرا و بڕیار درا ڕاپۆرتێكی تایبەت بۆ كۆبونەوەی سەركردایەتی كۆمەڵ ئامادە بكرێت بۆ ئەوەی بریاری كۆتایی لەبارەی كاتی بەستنی كۆنگرەی چوارەم و پێشنیارەكانەوە بدرێت.
لە تۆڕە کۆمەڵایەتیەکان شەیری بکە