پێش 2 هەفتە
843 جار خوێنراوەتەوە
سەركەوتنی پێكوتەی كۆرۆنا له جیهاندا، بووه هۆی به‌رزبوونه‌وه‌ی به‌رچاوی به‌های نه‌وت
په‌یام
بەهای نەوت لە بازاڕەكانی جیهان بەرز بوونەوەی بەرچاوی بە خۆوە بینی و نرخی یەك بەرمیل گەیشتە سەر و 45 دۆلار.
پاش سەركەوتنی پێكوتەی كۆرۆنا لە جیهاندا و پێشبینی بوژاندنەوەی ئابووری جیهان، ئەمڕۆ شەممە بەهای نەوت بە رێژەی لە سەدا پێنج بەرز بوویەوە و نرخی یەك بەرمیل نەوتی برێنت گەیشتە 45 دۆلار و 11 سەنت، هەروەها نرخی یەك بەرمیل نەوتی ئەمریكی تەكساس گەیشتە 42 دۆلار و 45 سەنت.
بەو جۆرە لە ماوەی سێ مانگی رابردوودا یەكەمجارە نەوت نرخی بۆ ئەو ئاستە بەرز ببێتەوە، دوای ئەوەی بەهۆی قەیرانی ئابووری جیهانەوە بەكاربردن كەمی كردبوو.
بەرز بوونەوەی نەوت لە كاتێكدایە كە لە هەفتەی رابردوودا هەردوو كۆمپانیای مۆدێرنە و فایزەری ئەمریكی سەركەوتنیان لە تاقیكردنەوەی پێكوتەی كۆرۆنا راگەیاند، ئەوەش بووە هۆی بوژاندنەوەی بەرچاوی بازاڕ و دابەزینی نەرخی ئاڵتون، لە بەرانبەریشدا كاریگەری كردە سەر بەرز بوونەوەی نرخی نەوت.
لە تۆڕە کۆمەڵایەتیەکان شەیری بکە