21/11/2020
844 جار خوێنراوەتەوە
هەفتەی پێشوو ئیسماعیل قائانی چۆتە بەغدا و به نهێنی لەگەڵ كازمی كۆبۆتەوه
پهیام
بە پێی سەرچاوەكانی هەواڵ هەفتەی پێشوو ئیسماعیل قائانی فەرماندەی فەیلەقی قودسی ئێران چۆتە بەغدا و لەگەڵ مستەفا كازمی سەرۆكوەزیرانی عێراق بە نهێنی كۆبۆتەوە.
ئاژانسی ئانادۆڵی توركی لە سەرچاوەیەكی حكوومەتی عێراقەوە كە نەیوستووە ناوی ئاشكرا بكرێت بڵاوی كردەوە رۆژی چوارشەممەی رابردوو، ئیسماعیل قائانی لەسەر بانگهێشتی مستەفا كازمی هاتووەتە بەغدا و لە نزیكەوە گفتوگۆیان كردووە، بە بێ ئەوەی هیچ زانیاریەكی زیاتر و ناوەڕۆكی كۆبوونەوەكە ئاشكرا بكات.
ئەم هەواڵە لە كاتێكدایە كە ئاژانسی ئاسوشیتد پرێسیش، لەسەر زاری چەند بەرپرسێكی عێراقەوە ئاشكرای كردووە، ئیسماعیل قائانیی، فەرماندەی فەیلەقی قودسی سەربەسوپای پاسدارانی ئێران لەگەڵ بەرپرسانی گروپە چەكدارەكانی عیراق كۆبۆتەوە و داوای كردووە سەرجەم چالاكییە سەربازییەكان لەدژی ئەمەریكا رابگرن.
بە وتەی ئەو سەرچاوەیە قائانیی بەو چەكدارانەی راگەیاندووە كە نابێت كارێك بكەن بەر لە رۆیشتنی دۆناڵد ترەمپ لە ئیدارەی ئەمریكا گرژی دروست ببێت، لە كاتێكدا چەند سەرچاوەیەكی هەواڵ هۆشدارییانداوە لەوەی ترەمپ پلانی لێدانی ئێرانی هەیە بەر لەوەی كورسیەكەی بەجێبهێڵێت.
لە تۆڕە کۆمەڵایەتیەکان شەیری بکە