20/11/2020
1049 جار خوێنراوەتەوە
ڕووداوهكان و بهرواری سەرهەڵدان و بڵاوبوونەوەی ڤایرۆسی كۆڕۆنا له سهرهتاوه تا ئێستا
پهیام
ڕووداوهكان و بهرواری سەرهەڵدان و بڵاوبوونەوەی ڤایرۆسی كۆڕۆنا له سهرهتاوه تا ئێستا بهم شێوهیهیه:
-17ی تشرینی دووەمی 2019، بۆ یەكەمجار ڕۆژنامەیەكی هۆنگ كۆنگ باسی لە بڵاوبوونەوەی ڤایرۆسێكی نادیار لە خۆرهەڵاتی چین كرد
-٣١ی كانوونی یەكەمی ٢٠١٩، بڵاوبوونەوەی نەخۆشییەكی نادیار لە شاری وهان سەر بە هەرێمی هوبیی چین ڕاگەیەندرا
-یەكی كانوونی دووەمی ٢٠٢٠، بازاڕی بەرهەمە دەریاییەكانی شاری وهان داخرا، كە یەكەم تووشبووانی پەتاكە سەردانیان كردبوو
-حەوتی كانوونی دووەمی ٢٠٢، رێكخراوی تەندروستیی جیهانی ئەوەی ئاشكرا كرد ئەو ڤایرۆسەی لە چین بڵاوبووەتەوە، جۆرێكی نوێی ڤایرۆسی كۆرۆنایە
-١١ی كانوونی دووەم، یەكەم حاڵەتی گیانلەدەستدان بە كۆرۆنا تۆمار كرا، كە پیاوێكی تەمەن ٦١ ساڵی دانیشتووی شاری وهان بوو
-13ی كانوونی دووەم، یەكەم حاڵەتی تووشبوون بە كۆرۆنا لە دەرەوەی چین، لە تایلاند دەستنیشان كرا
-٢٣ی كانوونی دووەم، لە شاری وهان، هەموو هۆكارەكانی گواستنەوە وەستێندران و شارەكە كەرەنتین كرا
-٢٤ی كانوونی دووەم، ڤایرۆسەكە گەیشتە ئەوروپا، لە فەڕەنسا ڤایرۆسەكە لە دوو كەس كە سەردانی چین-یان كردبوو، دۆزرایەوە
-٣٠ی كانوونی دووەم، رێكخراوی تەندروستیی جیهانی "دۆخی لەناكاوی"ی لە جیهاندا ڕاگەیاند
-٣١ی كانوونی دووەم، یەكەم حاڵەتی كۆرۆنا لە بەریتانیا، ئیتاڵیا و ئیسپانیا تۆمار كرا
-دووی شوبات، یەكەم حاڵەتی گیانلەدەستدان لە دەرەوەی چین، لە فلیپین تۆمار كرا
-١١ی شوبات، رێكخراوی تەندروستیی جیهانی ڤایرۆسی كۆرۆنای نوێی بە (COVİD-19) ناونا
-- ٢٢ی شوبات لە كۆریای باشوور تەنیا لە یەك رۆژدا، ٢٢٩ حاڵەتی تووشبوون بە كۆرۆنا تۆمار كرا. زۆرینەی تووشبووان ئەندامی كڵێسایەكی كاسۆلیكی بوون
-٢٦ی شوبات، ڤایرۆسەكە گەیشتە ئەمریكای لاتین و یەكەم حاڵەتی تووشبوون بە كۆرۆنا لە كەسێكی دانیشتووی بەڕازیل تۆمار كرا
-25ی شوبات، لە هەرێمی كوردستان، دەرگای قوتابخانەكان تا كاتێكی نادیار داخرا
-٢٧ی شوبات، سعوودییە لە مەترسیی پەتای كۆرۆنا، مەراسیمی عومرەی ڕاگرت
-٢٨ی شوبات، رێكخراوی تەندروستیی جیهانی ئاستی مەترسیی "بەرزەوەبوو"ی گەیاندە "زۆر بەرز"
-یەكی ئادار، بە ڕەسمی یەكەم حاڵەتی ڤایرۆسی كۆرۆنا لە هەرێمی كوردستان، لە سلێمانی ڕاگەیەندرا
-هەشتی ئادار پەتاكە لە ئیتاڵیا بڵاوبووەوە، ناوچەی لۆمباردیا و ١٤ شار كەرەنتین كران
-10ی ئادار سەرۆكوەزیران هاوتوچۆی لە وڵات سنووردار كرد و كەرەنتینەی سەرتاسەریی راگەیاند
-١١ی ئادار، رێكخراوی تەندروستیی جیهانی ڤایرۆسی كۆرۆنای نوێی بە "پەتای جیهانگیر" لەقەڵەم دا
-14ی ئادار لە هەرێمی كوردستان كەرەنتینەی سەرتاسەری ڕاگەیەندرا
-٢٤ی ئادار، لیژنەی ئۆڵۆمپیادی نێودەوڵەتی، بڕیاری دواخستنی ئۆڵۆمپیادی تۆكیۆی ٢٠٢٠ی دا
-حەوتی نیسان چین ڕایگەیاند بۆ یەكەمجار لە 24 سەعاتدا هیچ كەسێك بە كۆرۆنا نەمردووە، هەمان رۆژ كەرەنتینەی شاری ووهانی سەرچاوەی ڤایرۆسەكە هەڵگیرا
- هەشتی نیسان، لە شاری وهانی چین بازرگانی بە ئاژەڵی دڕندە و خواردنی گۆشتەكەی بۆ ماوەی پێنج ساڵ قەدەغە كرا
-نۆی ئایار سەرۆكی ئەمریكا پەیوەندییەكانی وڵاتەكەی لەگەڵ رێكخراوی تەندروستیی جیهانی كۆتایی پێ هێنا
-١١ی ئاب دوای دوو مانگ لە پشكنینەكان، ڕووسیا بووە یەكەم وڵات كە رەزامەندی لەسەر بەكارهێنانی ڤاكسینی كۆرۆنا دەربڕی
-٢٩ی ئەیلوول، ئاماری تووشبونای كۆرۆنا كە لەسەر ئاستی جیهان گیانیان لەدەست داوە، ملیۆنێكی تێپەڕاند
-ڕۆژی هەینی 20ی تشرینی دووەم، دوائاماری تووشبوانی ڤایرۆسی كۆرۆنا لە جیهاندا گەیشتووەتە نزیكەی 57 ملیۆن و 400 هەزار
-دوا ئاماری گیانلەدەستدان لەنێو تووشبووانی ڤایرۆسی كۆرۆنا لەسەر ئاستی جیهان، نزیكەی ملیۆنێك و 400 هەزارە
لە تۆڕە کۆمەڵایەتیەکان شەیری بکە