17/11/2020
603 جار خوێنراوەتەوە
چەند زانیارییەک لەسەر ڤاکسینەکەی کۆمپانیای "مۆدێرنا"ی ئەمریکا
چەند زانیارییەک لەسەر ڤاکسینەکەی کۆمپانیای "مۆدێرنا"ی ئەمریکا
ڤاکسینەکە لەسەر ( ۳۰٫۰۰۰) خۆبەخش تاقیکراوەتەوە و بەڕێژەی ٪۹٥ کاریگەری هەبووە [کە ئەمە ڕێژەیەکی بەرزە].
بە دوو جار لەخۆ دەدرێت، کە لەنێوان وەرگرتنی یەکەم بڕ بۆ دووەم بڕ پێویستە (۲۸) ڕۆژ لەنێوانیاندا هەبێت.
لەپاش وەرگرتنی ڤاکسینەکە، کاردانەوە لاوەکییەکانی لەسەر تەندروستی وەرگرەکان سەخت، بەڵام کورت خایەن بوون، کە بەم شێوە بوون: لە ٪۲٫۷ سووربونەوەی پێستیان هەبووە لەشوێنی لێدانی پێکوتەکە، لە ٪۹٫۷ تووشی شەکەتی بوون، لە ٪۹ ماسولکە ئێشەی بەهێزیان هەبووە و لە ٪٥ ئازاری جومگەیان بۆ دروست بووە.
کۆمپانیای مۆدێرنا رایگەیاندووە لەچەند هەفتەی داهاتوودا داواکاری پێشکەش بە ڕێکخراوی خۆراک و دەرمان (FDA) دەکات بەمەبەستی وەرگرتنی مۆڵەتی بەکارهێنان.
ڤاکسینەکە توانای هەیە لەپلەی گەرمی (۲ بۆ ۸) سیلیزی بۆ ماوەی ۳۰ ڕۆژ بمێنێتەوە، ئەگەر لەپلەی گەرمی (۲۰-)یشدا هەڵبگیرێت، دەتوانێت تا ٦ مانگ بمێنێتەوە.
نرخی ڤاکسینەکە بۆ هەردوو بڕەکە بەنزیکەیی لەنیوان ٦۰ بۆ ۷۰ هەزار دیناری عێراقی دەخەمڵێندرێت.
کۆمپانیای مۆدێرنا بەنیازە لەسەرەتادا ٥۰۰ ملیۆن پێکوتە بخاتە بازاڕەوە و تا کۆتایی ساڵی داهاتووش، ملیارێک دروست بکات.
د.یاداشت ساڵح
لە تۆڕە کۆمەڵایەتیەکان شەیری بکە