لەکاتی دەرکەوتنی ئەم نیشانانە بە زووترین کات سەردانی پزیشکی منداڵان بکە

په‌یام

لەکاتی دەرکەوتنی ئەم نیشانانە بە زووترین کات سەردانی پزیشکی پسپۆری منداڵان بکە بۆ پشکنین و وەرگرتنی چارەسەری پێویست.
نەخۆشیەکی بڵاوە تووشی گورچیلەکان دەبێت لە منداڵان و گەوران، کە دەبێتە ھۆی زیاد دەرھاویشتنی پرۆتین لە میز و کەم بوونی ڕێژەی پرۆتین لە خوێندا. 
لە حاڵەتی ئاساییدا ڕێژەی پرۆتین لە میز زۆر کەمە و لە کاتی پشکنینی میزدا دەرناکەوێت.

منداڵی تووشبوو بەم نەخۆشیە ئەو نیشانانەی لێدەردەکەوێت:
١. پەلمان و ئاوسانی چەند بەشێکی لەش بەھۆی کۆبوونەوەی ئاوی زیاد لە لەشیدا وەک دەوری چاوەکان و پەلی خوارەوە و ئەندامی زاوزێ.
٢. تەنگەنەفەسی بەھۆی کۆبوونەوەی ئاو لە دەوری سییەکان و دڵ.
٣. کاریگەری لەسەر مێشک دەبێت لەوانەیە ببێتە ھۆی گەشکە لە منداڵی تووشبوو.
٤. زیاد دەردانی چەوری و کۆلیسترۆڵ لە جگەر بەھۆی کەمبوونی پرۆتین لە خوێندا.
٥. تووشبوون بە ھەوکردنی گورچیلەکان.
٦. سستی لە گەشەی منداڵەکە.
٧. پەککەوتنی گورچیلەکان بەڵام بە دەگمەن ئەم حاڵەتە ڕوودەدات.
بۆیە لەکاتی دەرکەوتنی ئەم نیشانانە بە زووترین کات سەردانی پزیشکی پسپۆری منداڵان بکە بۆ پشکنین و وەرگرتنی چارەسەری پێویست.

دكتۆر مه‌حمود محه‌مه‌د سادق
پزیشکی پسپۆری منداڵان