30/10/2020
385 جار خوێنراوەتەوە
وادەی گەڕانەوەی کریستیانۆ بۆ یاریگاکان ئاشکرا دەبێت
پەیام سپۆڕت
كریستیانۆ ڕۆناڵدۆی پرتوگالی و هێرشبەری یانەی
یۆڤانتۆسی ئیتاڵی نزیكە لە تێپەراندنی تەواوی ڤایرۆسی كۆرۆنا و پێشبینیش دەكرێت
هەفتەی داهاتوو یاریزانەكە بۆ یاریەكان بگەرێتەوە.
ئەگەرچی تاوەكو
ئێستا ئەنجامی پشكنینەكان بۆ رۆناڵدۆ پۆزەتیڤە، بەڵام بەپێی ڕاگەیاندراوی
پزیشكەكانی یۆڤانتۆس لە ماوەی 18 رۆژی كەرەنتینەی یاریزانەكە هیچ نیشانەیەكی
ڤایرۆسەكە بە یاریزانەكەوە دەرنەكەوتووە و بە پێی یاساكانی ئیتاڵیاش هەر كەسێك بۆ
ماوەی 21 رۆژ كەرەنتینە بێت و نیشانەكانی تێدا دەرنەكەوێت دەتوانێت دوای ئەو ماوەیە
تێكەڵ بێتەوە و كەرەنتینەكردن بشكێنێت.
لای خۆشیەوە ڕۆژنامەی
تۆتۆ سپۆرتی نزیك لە یۆڤی ئاشكرایكرد، دۆن ناتوانێت لە یاریی ئەم هەفتەیەی یانەكەی
بەرانبەر سپیزیا یاریی بكات، بەڵام هەفتەی داهاتوو بەشداری ڕاهێنانەكانی دەكاتەوە
و بەشداریكردنیشی لە چامپیۆنسلیگ لەسەر خواستی ئەندریا پیرلۆی ڕاهێنەر
دەوەستێتەوە.
لە تۆڕە کۆمەڵایەتیەکان شەیری بکە