30/10/2020
1772 جار خوێنراوەتەوە
گه‌وره‌ترین مزگه‌وتی ئه‌فریقا و سێیه‌م گه‌وره‌ترینی جیهان له جه‌زائیر كرایه‌وه
په‌یام
مزگەوتی گەورەی جەزائیر كە لەسەر ئاستی جیهان بە سێیەم گەورەترین مزگەوت دادەنرێت و لەسەر ڕووبەری 27 هێكتار دروست كراوە، كرایەوە.
شەوی ڕابردوو و لە یادی لەدایكبوونی پێغەمبەر (دروودی خوای لەسەر)، هۆڵی نوێژی مزگەوتی گەورەی جەزائیر كە مزگەوتی جەزائیریشی پێ دەوترێت، كرایەوە.
هەریەك لە سەرۆكوەزیرانی جەزائیر و ژمارەیەك كەسایەتی حكومی و ئایینی جەزائیر و باڵیۆزی وڵاتانی ئیسلامی بە ئەنجامدانی نوێژی ئێوارە و خەوتنان بەشدارییان لە كردنەوەی مزگەوتەكە كرد.
ڕووبەری مزگەوتی گەورەی جەزائیر 27 هێكتار زەوییە و لە ساڵی 2012ـەوە كاركردن تێیدا دەستی پێ كردووە.
لەوبارەوە، كۆمپانیای (چاینا ستایت كۆنسترێكشن ئینجێرینگ) كە سەرپەرشتی دروستكردنی مزگەوتەكەی كردووە دەڵێ: مزگەوتە نوێیەكەی جەزائیر لەسەر ئاستی ئەفریقیا گەورەترینە و لەسەر ئاستی جیهانیش، لەدوای هەریەك لە حەرەمی مەككی و مزگەوتی پێغەمبەر (دروودی خوای لەسەر) بە سێیەم مزگەوت دادەنرێت.
مزگەوتەكەی پایتەختی جەزائیر، جێی 120 هەزار نوێژخوێن دەبێتەوە و بەرزی بڵندگۆكەی 267 مەترە و لە 43 نهۆم پێكدێت و لە تەواوی شاری جەزائیری پایتەختەوە دەتوانرێت ببینرێت.
لە تۆڕە کۆمەڵایەتیەکان شەیری بکە