29/10/2020 506 جار خوێنراوەتەوە

ناوەندی زانایان و بانگەوازی کۆمەڵ: هه‌ندێ هێزی دوژمن به عه‌قیده‌ی مسوڵمانان پشتیوانی فه‌ره‌نسا ده‌كه‌ن

 

په‌یام

ناوەندی زانایان و بانگەوازی کۆمەڵی ئیسلامیی کوردستان لەیادی لەدایبکوون پێغەمبەری ئیسلام موحەممەد (درودی خوای لەسەر بێت)، پیرۆزبایی لەتەواوی مسوڵمانان لە هەرێمی کوردستان و عێراق و جیهان دەکات.

ناوه‌ندی زانایانی كۆمه‌ڵ راشیگه‌یاندووه‌، پەلامارێکی قێزەون و دڕندانە لەژێر ناوی کاریکاتێردا بۆسەر کەسایەتی بەرزی حەزرەتی موحەممەد (درودی خوای لەسەر بێت) لە وڵاتی فەرەنسا دەستیپێکردووە و لە هەرێمی کوردستانیش هەندێ هێزی سیاسیی دۆڕاو و دوژمن بە ئەخلاق و عەقیدەی مسوڵمانانی کوردستان، کەوتونەتە پشتگیری و پشتیوانیی دەربڕین بۆ ئەو پەلامار و بێڕێزییە.

 

 

بەناوی خوای بەخشندەی میهرەبان 

وَمَا أَرْسَلْنَاكَ إِلَّا رَحْمَةً لِّلْعَالَمِينَ

لەیادی لەدایبکوون و هاتنە دونیای پێغەمبەری خۆشەویستمان موحەممەد (درودی خوای لەسەر بێت)، پیرۆزبایی لەتەواوی مسوڵمانان لە هەرێمی کوردستان و عێراق و جیهان دەکەین.

بەداخەوە ئەم یادە موبارەکە لەکاتێکدایە کە پەتای کۆرۆنا ژیانی خەڵکی هەراسان کردووە، لەگەڵ ئەوەشدا پەلامارێکی قێزەون و دڕندانە لەژێر ناوی کاریکاتێردا بۆسەر کەسایەتی بەرزی حەزرەتی موحەممەد (درودی خوای لەسەر بێت) لە وڵاتی فەرەنسا دەستیپێکردووە و لە هەرێمی کوردستانیش هەندێ هێزی سیاسیی دۆڕاو و دوژمن بە ئەخلاق و عەقیدەی مسوڵمانانی کوردستان، کەوتونەتە پشتگیری و پشتیوانیی دەربڕین بۆ ئەو پەلامار و بێڕێزییە.

ئێمە لەناوەندی زانایان و بانگەوازی کۆمەڵی ئیسلامیی کوردستان، تەئکید دەکەینەوە بە درێژایی مێژوو ئەواتەی ملهوڕیی خۆیان لە دژایەتی ئیسلام و پێغەمبەری ئازیزمان (درودی خوای لەسەر بێت) تاقیکردەوە، هەم سەری خۆیان بە فەتارەدا دا، هەم بە بەدناوی و سەرشۆڕییەوە بۆهەمیشە سەریان نایەوە و ئیسلامیش ڕۆژ بە ڕۆژ لە گەشەکردندایە . مێژووش ئەوەمان پێدەڵێت کە هیچ کەس دژایەتی کەسایەتی بڵند و ڕەوشتی جوان و ناوازەی پێغەمبەری ئیسلام موحەممەد (درودی خوای لەسەر بێت) نەکردووە، جگە لە ستەمکار و داڕووخاو لە ڕووی ڕەوشت و عەقڵ و ویژدانەوە.

لەم سەردەمەدا کە هیچ نرخ و بەهایەک بۆ ئینسان و خوێن و ژیان و کەرامەتی ئینسان نەماوەتەوە و بەرژەوەندی مادی بۆتە هەموو شتێک، مرۆڤایەتی زیاتر لە هەرکاتێکی دیکە ئاتاج بە حیکمەت و ئەخلاقی بەرز و پەیامی بێ هاوتای پێغەمبەرمان موحەممەد (درودی خوای لەسەر بێت) هەیە.

نوێکردنەوەی پەیمانی پابەندی بە بەرنامەی خوا کە ئیسلامە و سوننەتە جوان و ڕەوشتە شیرینەکانی پێغەمبەری ئازیز باشترین و ڕاستترین ڕێگای دەربڕینی خۆشەویستییە بۆ ئەو زاتە موبارەک و مەزنە.

لە کۆتاییدا درود و سەلام و ڕەحمەت بۆسەر گیانی موبارەکی پێغەمبەری ئازیز و ئال و بەیت و هاوەڵانی بەڕێزی.

ناوەندی زانایان و بانگەوازی
کۆمەڵی ئیسلامیی کوردستان 
١٢ ربيع الأول١٤٤٢ ی کۆچی

لە تۆڕە کۆمەڵایەتیەکان شەیری بکە

  • 20 کاتژمێر پێش ئێستا

    کۆمەڵ: هیوادارین ئەم پڕۆسەی چەکدانانە ئاسایش و ئارامى لە ناوچەکە بێنێتە ئاراوە

  • 5 رۆژ پێش ئێستا

    پێچەوانەی سوپاسەكەی حكومەت، دەزگا خێرخوازییەكانی كۆمەڵ مووچە دابەشدەكەن

  • 5 رۆژ پێش ئێستا

    دەزگایەکى خێرخوازیی کۆمەڵ بەردەوامە لە دابەشكردنی نان بەسەر هاوڵاتییانى غەززە

  • 5 رۆژ پێش ئێستا

    وتەبێژى کۆمەڵى دادگەری: با بیانسەلماندایە بەهێزن و یەک مووچەیان دابەشبکردایە

  • پێش 1 هەفتە

    مامۆستا عه‌لی باپیر سەردانی سه‌ركونسوڵی ئێرانى له‌ هه‌رێمی كوردستان كرد

  • پێش 2 هەفتە

    كۆمه‌ڵ لیستی‌ ناوی‌ كاندیده‌كانی‌ بۆ هه‌ڵبژاردنی‌ ئه‌نجومه‌نی نوێنه‌رانی عێراق په‌سه‌ند كرد

  • پێش 3 هەفتە

    كۆمەڵى دادگەری: لەكات و شوێنی دیاریكراودا كۆنگرە دەبەستین

  • پێش 4 هەفتە

    كۆمەڵ: هیوادارین عێراق و هەرێم دووربێ لە پریشكی ئاگری شەڕ

سەرەتا