28/10/2020
218 جار خوێنراوەتەوە
مانچستەر یونایتد دەیەوێت ئەستێرەیەکی میلان بە خۆڕایی بگوازێتەوە ڕیزەکانی
پەیام سپۆڕت - بڕیار تەها
یانەی مانچستەر
یونایتدی ئینگلیزی چاوی لە تواناکانی هاکان چاڵهانئۆغلۆی تورکی و یاریزانی یانەی
ئەیسی میلانە.
لە پاش هاتنی
ستیفانۆ پیۆلی بۆ ڕاهێنەرایەتی یانەی ئەیسی میلان بە شێوەیەکی بەرچاو ئاستی هاکان
بەرزبوونەوەی بەخۆیەوە بینیوە، ئەمەش وایکردووە یانەکە هەوڵی نوێکردنەوەی
گرێبەستەکەی بدات.
بەڵام میدیاکانی
ئیتاڵیا ئاشکرایان کردووە، بەرپرسانی مانچستەر یونایتد لە نزیکەی چاودێری
تواناکانی هاکان دەکەن و ئاگاداری گفتوگۆی نوێکردنەوەی گرێبەستەکەشی هەن، شەیتانە
سوورەکان دەیانەوێت لە کۆتایی ئەم وەرزەدا بەبێ بەرانبەر ئەو یاریزانە تورکییە
پەلکێشی یاریگای ئۆڵترافۆرد بکەن، ئەمە لە کاتێکدا گرێبەستەکەی هاکان لە هاوینی
داهاتوو لەگەڵ ڕۆسۆنێری کۆتایی دێت.
سەرچاوەکان
ئەوەشیان خستۆتە ڕوو، یانەی میلان بە ئاسانی نایەڵێت هاکان ڕیزەکانی جێبهێڵێت و
پلانیان داناوە لە بەرانبەرا درێژکردنەوەی بوندەکەدا مووچەی ساڵانەی هاکان بەرز
بکەنەوە تا ئەوەی بە مانەوە لە یاریگای سانسیرۆ ڕازی ببێت.
لە تۆڕە کۆمەڵایەتیەکان شەیری بکە