27/10/2020
568 جار خوێنراوەتەوە
سه‌رۆكی فراكسیۆنی كۆمه‌ڵ: گه‌ر داهاتی هه‌رێم بخرێته به‌رده‌ستمان گوزه‌رانی خه‌ڵك باشتر ده‌كه‌ن
گه‌رچی هیچ كام له سه‌رۆكی حكومه‌ت و جێگره‌كه‌ی و وه‌زیری دارایی هه‌رێم ئاماده‌ی دانیشتنی په‌رله‌مان تایبه‌ت به یاداشتی پرساندنیان نه‌بوون، به‌ڵام سه‌رۆكی فراكسیۆنی كۆمه‌ڵ له په‌رله‌مانی كوردستان له ده‌قی یاداشتی پرساندنی سه‌رۆكی حكومه‌تدا چه‌ند بایه‌تێكی ئاماژه پێدا.
عه‌بدوستار مه‌جید له دووتوێی یاداشته‌كه‌دا جه‌ختی كرده‌وه، هه‌رێمی كوردستان مانگانه داهاتێكی زۆری هه‌یه، هیچ بیانوویه‌كیش بۆ بڕین و دواخستنی مووچه‌ی فه‌رمانبه‌ر و مووچه‌خۆران نییه.
سه‌رۆكی فراكسیۆنی كۆمه‌ڵ له په‌رله‌مانی كوردستان، جارێكی دیكه ته‌حه‌ددای به‌رپرسانی هه‌رێمی كرد، كه ئه‌گه‌ر داهاتی هه‌رێم بخرێته به‌رده‌ستیان، گوزه‌رانی خه‌ڵك له ئێستا زۆر باشتر ده‌كه‌ن.
لە تۆڕە کۆمەڵایەتیەکان شەیری بکە